Jetısuda 14 jastaǧy mektep oquşysyn zorlady degen küdıkke ılıngen 35 jastaǧy azamat ūstalǧan bolatyn. "Kämeletke tolmaǧan jasöspırımdı zorlau" ısınıŋ män-jaiyn anyqtau maqsatynda BAQ ökılderı Ǧani Beisembaevqa türlı saual joldady, dep habarlaidy "Adyrna" tılşısı Qaz365.kz-ke sılteme jasap.
Jetısu oblysy Sarqand audanynyŋ polisiia qyzmetkerlerı er adamdy ūstaǧan. Ol Sarqand qalasyndaǧy mektepterdıŋ bırınde 14 jastaǧy oquşyny zorlady degen küdıkke ılınıp otyr.
BAQ betterınde küdıktı 10 jyl boiy Sarqand qalasyndaǧy mektepterdıŋ bırınde mūǧalım bolyp jūmys ıstegenı aitylady. Sondai-aq ol zorlanǧan balanyŋ äpkesınıŋ küieuı bolǧany habarlanǧan.
Jaǧa ūstatarlyq qylmys Sarqand qalasyndaǧy qonaqüilerdıŋ bırınde bolǧan. Bölmedegı kömek sūrap, aiqailaǧan dauysqa qonaqüidıŋ meŋgeruşısı kömekke kelgen. Ol bölmenı aşqannan soŋ balany bosatyp, polisiia şaqyrypty. Bıraq qylmysker ızın suytyp ülgergen. Al küdıktı bolsa ekı kün boiy tauda jasyrynyp jatqan. Ol polisiia qyzmetkerlerıne Topolevka auylynan 10 şaqyrym jerde taulardyŋ arasynan ūstalǧan.
Jurnalist Samal Qabyşevanyŋ jazbasyna säikes, 7 qazan künı jasöspırımdı zorlaǧan 35 jastaǧy küdıktı 10 jyl boiy Sarqan qalasyndaǧy mektepterdıŋ bırınde matematika pänınen mūǧalım bolyp jūmys ıstegen. Zorlanǧan özınıŋ tuǧan baldyzy ärı oquşysy körınedı.
Mäjılısten soŋ osy oqiǧa jönınde Oqu-aǧartu ministrı Ǧani Beisembaevqa sūraq qoiyldy. Alaida ministr būl oqiǧany ne rastamady, ne terıstemedı. Tek tergeuge sıltep tūryp aldy.
«Jalpy kez kelgen ondai mäsele bolsa, azamattar qūzyrly organdarǧa jügınetının bılesız. Işkı ıster ministrlıgı kez kelgen zorlau faktısıne aralasyp, özınıŋ qūqyqtyq baǧasyn beruı kerek. Sondyqtan, kez kelgen jaǧdai tergeu amaldarynda şeşıledı. Bıraq balalarǧa qatysty mäselelerdı Oqu-aǧartu ministrlıgıne qarasty bala qūqyqtaryn qorǧau komitetı baqylauda ūstaidy. Sebebı bızdıŋ elımızdegı balalardyŋ qūqyqtary būzylmauyn qadaǧalap, jüielı türde baqylauda ūstaidy», – deidı ol.Onyŋ aituynşa, biyl tamyz aiynyŋ soŋynda Ükımettıŋ tapsyrmasymen balalardyŋ qūqyǧyn qorǧauǧa qatysty keşendı jospar qabyldanǧan eken. Ministr ata-analarǧa:
«Jalpy mūndai mäselede tergeu amaldary jürgızıletının bılesız. Öitkenı tergeu amaldarynan keiın tiıstı qūqyq qorǧau organdary özınıŋ şeşımın aituy tiıs. Jalpy Qazaqstan boiynşa mūndai keleŋsız jaittarǧa jol bermes maqsatynda keşendı jospar bar. Ol qyrküiekten bastap ıske asyrylyp jatyr. Keşendı jospar öz nätijesın beredı», – dep aitty Ǧani Beisembaev.
Ūqsas jaŋalyqtar
