Tarazda "kóligimdi órtedi" dep birneshe sheneýnikti aıyptaǵan bloger Nurlan Qanatov sottaldy. Bul týraly №2 qalalyq soty aıtty, dep habarlaıdy «Adyrna» tilshisi.
2022 jyldyń qazanynda sottalýshy kóliginiń órtengen beınejazbalaryn Facebook áleýmettik jelisine taratqan.
Osylaısha ol ózin saıası jaǵdaıdyń qurbany degen oı qalyptastyrǵysy kelgen. Sottyń málimetinshe, kólikti órteýge blogerdiń ózi tapsyrys bergen.
Keıin er adam bul isti birneshe sheneýnik uıymdastyrdy degen aıyppyn Jambyl oblysygyń polıııa departamentine júgingen.
Bótenniń múlkin qasaqana joıý faktisi boıynsha is qozǵalyp, qylmys quramy bolmaýyna baılanysty is qysqarǵan.
Osylaısha Qanatov qylmys jasalǵany týraly kórineý jalǵan sóz jetkizgen.
«Sottalýshynyń kinási kýálerdiń aıǵaqtarymen, beınejazbalarmen, aıǵaq zattar arqyly dáleldendi. Prokýror sottalýshyny 5 jyl 4 aıǵa bas bostandyǵynan aıyrýdy surady. Sottalýshy óz kinásin moıyndamady»,- dep jazdy sottyń baspasóz qyzmeti.
Aıyptalýshy sot úkimimen 3 jyl 6 aı merzimge bas bostandyǵynan aıyryldy. Úkim zańdy kúshine engen joq.
