Reseı qorǵanys mınıstrligi Ońtústik áskerı okrýginde strategııalyq emes ıadrolyq qarýdy qoldanýǵa daıyndyq boıynsha oqý-jattyǵýlar ótetinin habarlady. Ońtústik áskerı okrýgine Qazaqstanmen shekaralas aımaqtar da kiredi, dep habarlaıdy “Adyrna” ulttyq portaly Orda.kz saıtyna siltep.
Reseı qorǵanys mınıstrliginiń habarlaýynsha, Reseı armııasynyń bas shtaby Ońtústik áskerı okrýgi men Áskerı-teńiz kúshteriniń zymyran quramalarynyń qatysýymen jattyǵýlarǵa daıyndalýda.
Oqý-jattyǵýdyń maqsaty – «strategııalyq emes ıadrolyq kúshterdiń jaýyngerlik tapsyrmalardy oryndaýǵa daıyndyǵyn arttyrý».
Reseı Federaııasynyń Ońtústik áskerı okrýgine Qazaqstanmen shekaralas eki oblys kiredi: Astrahan jáne Volgograd oblystary.
Reseı Qorǵanys mınıstrliginiń habarlamasynda talqylanatyn taktıkalyq ıadrolyq qarýlar salystyrmaly túrde qysqa qashyqtyqtaǵy jáne qýatty ıadrolyq oqtumsyqtary bar zymyrandar. Strategııalyq ıadrolyq qarýdan aıyrmashylyǵy, taktıkalyq qarýlar tikeleı maıdan shebinde, jaýdyń jeke quramy men tehnıkasyna qarsy gıpotetıkalyq qoldanýǵa arnalǵan.
Aıta keteıik, 2024 jyldyń naýryzynda Reseı prezıdenti Vladımır Pýtın Reseı Federaııasynyń «egemendigine qaýip tóngen jaǵdaıda» ıadrolyq qarýdy qoldanýǵa daıyn ekenin rastaǵan edi.
