Türkıstan qalasynda aǧaştardyŋ bürşık jara bastaǧany fotoǧa tüstı, dep habarlaidy "Adyrna" ūlttyq portaly QazAqparatqa sıltep.
Būl erekşe qūbylysty fotograf Nahyp Şyntemirov Q.A. Iаsaui atyndaǧy HQTU aumaǧynda tüsırıp, äleumettık jelıde bölıstı. Suretterde aǧaştardyŋ köktemnıŋ alǧaşqy belgılerı ıspettı kögergenın köruge bolady.
Jazba oqyrmandar arasynda qyzu pıkırtalas tudyrdy. Keibırı "üsıp qalatyn boldy" dep alaŋdasa, özgelerı qaŋtardaǧy būl körınıske taŋdanys bıldırıp, "Ädemı körınıs!" dep pıkır qaldyrdy.
Avtordyŋ aituynşa, siren aǧaşynyŋ bürşıkterı üsıkke tözımdı keledı jäne qaita qalpyna kele alady. Būl aǧaş 25-35 gradus aiazǧa şydai alatyndyǧy atap ötıldı.
"Syrdariia-Türkıstan" öŋırlık tabiǧi parkınıŋ ǧylymi qyzmetkerı Ǧani Nazarbek būl tabiǧi qūbylys ekenın aitty.
"Kün jylynǧanda aǧaştardan söl bölınıp, bürşık jara bastaidy. Alaida, qaitadan kün suytqanda aǧaştar būl prosestı toqtatady. Oŋtüstık öŋırde qys biyl jyly bolyp tūr, bıraq kün älı de salqyn, jerde qar bar," – dep tüsındırdı ol.
Ūqsas jaŋalyqtar
