Búgin, 6 aqpan jeńildetilgen avtokredıt boıynsha elektrondy kezek iske qosylady, dep habarlaıdy “Adyrna” ulttyq portaly.
Ótinimdi Astana ýaqytymen saǵat 10:00-de autonesie.kz saıtynda bere alady. Ol úshin elektrondy ıfrlyq qoltańba qajet.
Caıtqa kirgennen keıin "Ótinim berý" batyrmasyn basyp, elektrondy ıfrlyq qoltańbany qoldanasyz. Sol kezde adamnyń aty-jóni men jeke sáıkestendirý nómiri avtomatty túrde shyǵady. Odan keıin tek telefon nómiri men avtoóndirýshini ǵana engizý kerek. Sońynda ótinimdi ıfrlyq qoltańbamen rásimdep, jibere salasyz. Saıtta ótinimniń maquldanǵany da kórsetiledi. "Siz sátti tirkeldińiz" degen jazý shyǵyp, jeke kabınetke habarlama túsedi.
Aıta keteri, ótinimde kóliktiń modelin ǵana emes, avtokólikti óndirýshini ǵana kórsetýge bolady.
Jeńildetilgen avtokredıttiń sharttary:
kólik quny 15 mln teńgeden aspaýy kerek;
kredıt somasy – 10 mln teńge;
bastapqy jarna qajet emes;
syıaqy mólsherlemesi – jyldyq 4%;
qarjylandyrý merzimi – 7 jyldan aspaıdy.
