Qazaqstan Palestinaǧa 1 mln AQŞ dollar gumanitarlyq kömek audardy. Būl turaly Syrtqy ıster ministrlıgınıŋ resmi ökılı Aibek Smadiiarov aitty, dep habarlaidy “Adyrna” ūlttyq portaly.
Gaza sektoryndaǧy apatty gumanitarlyq jaǧdaidy eskere otyryp, Qazaqstan Palestina halqyna 1 mln AQŞ dollary kölemınde gumanitarlyq kömek körsetuge şeşım qabyldaǧan edı.Būl şeşımdı Türkı memleketterı ūiymynyŋ onynşy sammitı barysynda Qazaqstan prezidentı jariialady. Qazaqstan ükımetı bölgen qarajat BŪŪ Taiau Şyǧys agenttıgıne audaryldy. Ūiym Palestina halqyna jetı onjyldyq boiy tötenşe jäne basqa da kömek körsetetın jūmystardy ūiymdastyryp keledı. Aita ketetın jait, gumanitarlyq qyzmet elımızdıŋ syrtqy saiasatynyŋ maŋyzdy baǧytynyŋ bırı. Beibıt saiasat pen ädıldık qaǧidattaryn ūstanatyn Qazaqstan ärdaiym qiyn gumanitarlyq jaǧdaiǧa tap bolǧan memleketterge qoldau körsetuge ūmtylady, - dedı Aibek Smadiiarov.Eske sala keteiık, būǧan deiın Gaza sektorynda Qazaqstannyŋ 76 azamaty bar ekenın, el azamattary nege kele almai otyrǧanyn jariialaǧan edık.
Ūqsas jaŋalyqtar
