Газа секторында 76 Қазақстан азаматы жүр. Бұл туралы Сыртқы істер министрлігі мәлімдеді, деп хабарлайды “Адырна” ұлттық порталы.
Отбасы мүшелерімен қоса санағанда олардың саны 161 адам. Мысыр тарапынан да, Израиль тарапынан да шетелдіктердің отбасы мүшелерімен шығуына белгілі бір талаптар қойылған. Біздің азаматтарымыз отбасы мүшелерін алып кету мүмкіндігі болмағандықтан, Газа секторынан жақындарын тастап кетуге дайын емес, - деп хабарлады СІМ ресми өкілі Айбек Смадияров.
