Jelide Merke aýdany dıqandarynyń ereýili degen vıdeo paıda boldy. Ony Nuradın Raqaı esimdi tarazdyq jýrnalıst Facebook jelisindegi paraqshasynda júktedi, dep habarlaıdy «Adyrna» tilshisi.
«Merke aýdanynyń dıqandary narazylyqqa shyǵyp, prezıdent pen ákimge janaıqaılaryn jetkizemiz deıdi. Olar Jambyl oblysynda qýańshylyqqa baılanysty tótenshe jaǵdaı jarııalaý kerek dep eń birinshi dabyl qaqqan edi. Sharýalarǵa bir tıyn da tólenbegen»,—dedi ol.
Dıqandar úndeýin jetkizý úshin Ortalyq stadıonǵa jınalǵan.
«Qyzylsha ekken adamdardyń aqshalary berilmeı jatyr. Úkimet bólgen qarjyny bizge bersin. Aqshamyz joq, qınalyp kettik. Qarapaıym halyq jylap júr. Báriniń bala-shaǵasy bar. Máseleni sheshe almaıtyn bolsa, ákim ornyn bosatsyn. Bizge jumys isteıtin basshy kerek»,—dedi eginshiler.
Eske salaıyq, shilde aıynda Jambyl oblysynda qant qyzylshasyn ekken dıqandar tótenshe jaǵdaı jarııalaýdy talap etken edi. Olar sýdyń joqtyǵynan ósimdiktiń sábizdeı solyp qalǵanyn jetkizdi. Keıinnen aǵyn sýdyń azdyǵynan 10 myń gektarǵa egilgen qyzylsha alqabynyń jartysy qýrap qalǵany belgili boldy.
Buǵan deıin Úkimet qant qyzylshasynyń bir kelisine memleketten 25 teńge sýbsıdııa tólenetinin aıtqan edi.
