Fransiia prezidentı Emmanuel Makron Qazaqstan men Özbekstanǧa resmi sapary barysynda respublikanyŋ AES-terın uranmen qamtamasyz etu mäselelerın talqylaidy, dep habarlaidy "Adyrna" ūlttyq portaly. Būl turaly Politico jazdy.
Fransiia prezidentı Emmanuel Makron 1 qaraşada Qazaqstanǧa, 2 qaraşada Özbekstanǧa resmi saparmen keledı. «Sapar Ortalyq Aziianyŋ osy ekı elımen qarym-qatynasyn tereŋdetu aiasynda ötedı», - dep atap körsettı Elisei saraiy. Astana men Taşkentte sauda-ekonomikalyq, investisiialyq jäne energetikalyq yntymaqtastyq pen kölıktı nyǧaitu mäselelerı talqylanady. Degenmen, uran jetkızu boiynşa kelıssözder aldyŋǧy qatarǧa şyǧyp otyr.
Fransiia Qazaqstan men Özbekstandy reformalar men modernizasiialau negızınde qoldaidy, serıktestıkterdı ärtaraptandyruǧa järdemdesedı, olardyŋ täuelsızdıgı men egemendıgın qoldaidy, sondai-aq Europamen bailanysty nyǧaituǧa ūmtylady, dep atap öttı prezident Makron äkımşılıgı.
«Bızdıŋ mındetımız - bız bıletın, sondai-aq Europalyq Odaq pen amerikandyq serıktesterımızben ūzaq uaqyt boiy jūmys ıstep kele jatqan osy aimaqta (Ortalyq Aziiada - Adyrna) qarym-qatynasymyzdy damytu», - dep keltıredı Agence-France-Press (AFP) Elisei saraiyndaǧy mälımettı negızge alyp.
Frans Press agenttıgı «Ukrainadaǧy qaqtyǧystar aiasynda Ortalyq Aziia elderınıŋ negızgı ekonomikalyq jäne äskeri serıktesı retınde Resei Federasiiasynyŋ aimaqtaǧy yqpaly älsıreidı» dep mälımdeidı. «Yqpal üşın jarysqa» AQŞ pen EO-dan basqa Qytai men Türkiia da qatysuda, dep atap körsetedı Frans Press. Osyǧan orai Fransiia Prezidentı Ortalyq Aziiaǧa önerkäsıp jäne syrtqy sauda ministrlerımen bırge sapar şegudı ūiǧardy, sondai-aq Fransiianyŋ ırı energetikalyq kompaniialary men önerkäsıptık käsıporyndarynyŋ basşylary da saparda bırge jüredı.
Eske sala keteiık, bügın 1 qaraşa Fransiiada - katolikterdıŋ Küllı äulie künı atap ötıledı. 15 tamyz jäne 1 qaŋtar siiaqty, 1 qaraşa da Fransiianyŋ Eŋbek kodeksınde körsetılgen on bır memlekettık merekelerdıŋ bırı bolyp tabylady.
Sondai-aq, būl Qasym-Jomart Toqaevtyŋ şaqyruymen Fransiia prezidentı Emmanuel Makronnyŋ jauap sapary. Qazaqstan prezidentı ötken jyldyŋ qaraşa aiynda Parijge baryp, Makronmen kelıssözder jürgızgen bolatyn. Qazaqstanǧa saparynyŋ aldynda Fransiia prezidentı Qaraǧandydaǧy apattan qaza tapqandarǧa qazaq tılınde jazba qaldyryp köŋıl aitty.
Ūqsas jaŋalyqtar
