Búgin Úkimet otyrysynan keıin premer-mınıstrdiń orynbasary Tamara Dúısenova, Ónerkásip jáne qurylys mınıstri Qanat Sharlapaev, Tótenshe jaǵdaılar mınıstri Syrym Sháriphanov baspasóz máslıhatyn ótkizdi, dep habarlaıdy «Adyrna» ulttyq portaly.
Qaraǵandy shahtasynda 46 adam qaza taýyp, elimizde qaraly kún jarııalandy. Osyndaı kezde premer-mınıstr Álıhan Smaıylov press-konferenııaǵa shyqpady? Bul suraqqa Tamara Qasymqyzy jaýap berdi.
«Premer-mınıstrdiń memlekettik komıssııanyń basshysy ekenin bilesizder. Sondyqtan da komıssııanyń jumysyn aıaqtaı kele osy is boıynsha barlyq máseleni ózderińizge jetkizedi. Sol sebepti komıssııanyń jumysyn kútkenderińiz durys shyǵar dep oılaımyn. Qazir sizderge qajetti aqparattardy jetkizý úshin áriptesterimizben birge jedel shyqtyq», – dedi ol.
Sondaı-aq BAQ ókili vıe-premerge «Premer-mınıstr jýrnalısterdiń aldyna shyǵý úshin qansha adam qaza tabý kerek?» dep suraq qoıǵan bolatyn.
«Men sizge qaıtalap aıtaıyn, bul adamnyń sanyna baılanysty emes qoı. Qazir áriptesterimiz ol kisiniń shahta boıynsha jeti komıssııanyń júrgizgen jumystaryn qarap, olardyń esebin tyńdap jatqanyn aıtty. Sol komıssııanyń jumystary boıynsha ol mindetti túrde óziniń pikirin komıssııa tóraǵasy retinde jetkizedi», – dedi Tamara Qasymqyzy.
Jalpy Úkimet basshysy Álıhan Asqanuly jýrnalısterdiń aldyna sırek shyǵady. Májilis depýtaty Ermurat Bapı Úkimettiń elge qaraýǵa beti joq dep aıtqan bolatyn.
«Adyrna» ulttyq portaly
