Ükımet otyrysynda jaŋa oqu-aǧartu ministrı bolyp taǧaiyndalǧan Jūldyz Süleimenova saltanatty türde ant berdı, dep habarlaidy "Adyrna" ūlttyq portaly.
Premer Oljas Bektenovtyŋ töraǧalyǧymen ötken otyrysta Memleket basşysynyŋ Jarlyǧymen taǧaiyndalǧan ministr ant qabyldady. Ol saltanatty räsım kezınde Qazaqstan halqyna jäne Prezidentke adal qyzmet etuge, Konstitusiia men zaŋdardy qataŋ saqtauǧa, eldıŋ damuyna öz bılımı men küş-jıgerın jūmsauǧa uäde berdı.
«Qazaqstan Respublikasynyŋ halqy men Prezidentı aldynda öz Otanym – Qazaqstan Respublikasynyŋ ekonomikalyq jäne ruhani damu ısıne barlyq küş-jıgerım men bılımımdı jūmsauǧa, memlekettıŋ Konstitusiiasy men zaŋdaryn qataŋ saqtauǧa, özımnıŋ barlyq ıs-äreketımde zaŋdylyq pen ädılettık, azamattyq, ūltaralyq jäne konfessiiaaralyq tatulyq prinsipterın ūstanuǧa, Qazaqstan halqyna adal qyzmet etuge, öz elımnıŋ memlekettiligi men düniejüzilik qoǧamdastyqtaǧy bedelin nyǧaita beruge saltanatty türde ant beremin. Ant etemin», — dedı Jūldyz Süleimenova.
Ükımet basşysy jaŋa ministrdı qūttyqtap, onyŋ aldynda bılım beru sapasyn arttyru, ūstaz märtebesın köteru jäne oquşylardyŋ jan-jaqty damuyna jaǧdai jasau syndy maŋyzdy mındetter tūrǧanyn atap öttı.
Aita keteiık, otyrys kezınde ükımettık bailanys telefony şyryldady. Qoŋyrauǧa jauap bergen premer 12 minutqa otyrystan şyǧyp ketkenı habarlandy.
