2023 jylǵy «Altyn dop» ıegeri Lıonel Messı atandy. Parıjdegi «Shatl» teatrynda ótken keshte argentınalyq fýtbolshy mansabynda segizinshi ret bul marapatqa ıe boldy, dep habarlaıdy «Adyrna» ulttyq portaly.
France Football tańdaýy boıynsha «Inter Maıamı» komandasynda oınap júrgen shabýylshy eń kóp daýysqa ıe bolǵan. Jeke rekordyn jańartyp qana qoımaı, MLS tarıhynda «Altyn dop» alǵan alǵashqy fýtbolshy atandy.
Aıtalyq, 2022 jyly Messı Katarda ótken mýndıalda Argentına quramasymen álem chempıony atandy. 2023 jyldyń jazynda «Inter Maıamıge» aýysty. «Altyn dopty» buǵan deıin 2009, 2010, 2011, 2012, 2015, 2019, 2021 jyldary da jeńip alǵan bolatyn.
Daýys berýde Messıden keıingi orynǵa Erlıng Holand («Manchester Sıtı»), Kılıan Mbappe (PSJ) men Kevın De Brıýıne («Manchester Sıtı») ornalasqan.
Posmotret etý pýblıkaııý v Instagram
«Adyrna» ulttyq portaly
