Mamandandyrylǧan halyqqa qyzmet körsetu ortalyqtarynda teoriialyq emtihan tapsyrudyŋ jaŋa erejelerı engızıldı. Endı emtihan qabyldaudaǧy ūiymdastyruşylyq-tehnologiialyq prosesterın Memlekettık korporasiia jüzege asyrady. Būryn mūny autsorsingtık kompaniialar jasaityn edı.
Būl jaŋaşyldyq «Azamattarǧa arnalǧan ükımettıŋ» mamandandyrylǧan HQO-larda klientterdıŋ sapasyz qyzmet körsetu turaly şaǧymdarynyŋ jiı tüsuımen bailanysty. Osyndai keleŋsızdıkterdı joiu üşın Memlekettık korporasiia testıleu üderısın derbes ūiymdastyruǧa şeşım qabyldady. Osylaişa, testıleudıŋ sapasy ǧana emes, qauıpsızdıgı de artady.
Būl rette, būryn teoriialyq testıleu Jol qozǧalysy erejelerı 2.0 jüiesı arqyly jürgızılgenın atap ötemız. 16 qazannan bastap Memlekettık korporasiia jol qozǧalysy erejesınıŋ jaŋa 3.0 jüiesıne köştı. Onyŋ arqasynda jürgızuşı kuälıgın alu prosesı aşyq ärı ädıl ötude.
Teoriialyq emtihandy tapsyru kezınde testıleu barysyn audio jäne beinejazbaǧa tüsıru mümkındıgı jüzege asyrylǧanyn aita ketken jön. Biometriialyq jeke säikestendıru jürgızuşı kuälıgın aluǧa emtihan qabyldau qaǧidalaryna engızılgen özgerısterge säikes te jürgızıledı.
Sonymen qatar, Memlekettık korporasiia būǧan deiın emtihan qabyldau bölmelerıne beinebaqylau engızgen bolatyn. Būl rette kez kelgen adam kütu zaldarynda da, onlain rejimınde de ötıp jatqan emtihandy köre alady. Kömekşı qūral-jabdyqtardy paidalanyp ūstalǧan klientter 3 aiǧa emtihan tapsyru qūqyǧynan aiyrylǧan aita ketkımız keledı.
Esterıŋızge sala ketsek, emtihannan ötpegen jaǧdaida kelesı jūmys künı teoriiany qaita tapsyruǧa bolady. Eger, synaqty ekı ret terıs nätijemen tapsyrsa, qaita tapsyru tek bır aidan kem emes merzımde jüzege asyrylady.
