QAINAR OLJAI: Biz sonda kimbiz?

4600
Adyrna.kz Telegram
Poıyzda bir kýpede keldik. Birinshi suraǵy “oralmansyń ǵoı?” boldy. Jaýap berip úlgermedik, “Monǵolııadan kelgensiń-aý?” dep ústemeletti. Amal joq, “Baıanólgeıdiń Ulan-qus sumyny” deı saldyq. Sodan álgi kóke óziniń ústemdigin tanytty.
Ústemdik tanytý sebebi bar edi. Kýpede úsheýmiz: eki erkek, bir áıel. Bizden úsh jas úlken, ózi oralman emes ústem aǵaı áńgimeni perip keledi. Úsh birdeı joǵary oqý ornynda oqyǵan. Anda aýdan basqarǵan, munda zastava komandıri bolǵan. Pálen kýrstasy oblys ákimi bolǵan, túgen joldasy general-polkovnık. Ózi san alýan quqyq qorǵaý organdarynda lekııa oqıdy.
“Reseı Pákstandy aıdap salyp edi, aıaǵy mine ne boldy, evreıler Gaza sektoryn qanǵa boıady” dep bir ketti. “Aǵa, Pákstan emes, Palestına ǵoı” degendi ishteı aıttyq. Anaý áıelge báribir.
Jáne birde “AQSh-ta Premer-mınıstrdiń ne qupııasy baryn búkil saılaýshy biledi” dep soǵyp otyrdy. “Kókesi AQSh-ta qaıdaǵy Premer-mınıstr?” deımiz biz ishteı.
Myna kisi quqyq qorǵaý organdaryna dáris berip júrse, sonda biz kimbiz?
Taǵy bir qyzyǵy bolǵan. Poıyzdaǵy álgi “ústem” aǵanyń.
Áńgimeni ańyratyp jatyp, bir kezde “anaý Abylaı hannyń keńesshisi bar edi ǵoı” dedi. Kidirip baryp “kim edi?” dedi bizge burylyp.
Iyǵymyzdy qıqań etkizdik. Buqardy bilmese, bul kisi qalaı soldattarǵa dáris oqıdy, á?
Aqyry Abylaı hannyń qasynda bolǵan jyraýdyń atyn eske túsirmekke talpynǵandaǵysy: “álginiń “naımannan áıel alma” deıtin sózi bar emes pe edi...”

 

 

 

Pikirler