Syrtqy qaryz jekemenshik bankterdi qosa alǵanda 57 mıllıard 700 mıllıon dollar boldy
Bıýdjet tapshylyǵy men teńgeniń quldyraýy Qazaqstannyń syrtqy qaryzyn arttyryp jiberdi. Byltyr shetelge memlekettik bereshek 1 trıllıon 883 mıllıard teńgege kóbeıgen.
Qarjy mınıstrligi eldiń qaryzy 15 trıllıon 387 mıllıard teńgege jetkenin málimdedi. Oǵan úkimet pen Ulttyq banktiń jáne jergilikti ákimdikterdiń qaryzdary kiredi, dep habarlady KTK.
Degenmen qarjy mınıstri qorqatyn eshteńe joq deıdi. Óıtkeni memlekettik qaryz jalpy ishki ónimge shaqqanda 60 paıyzǵa deıin ruqsat etilgen. Al qazirgi kórsetkish 26 paıyzǵa jýyq. Biraq Qazaqstan naqty qaı elge qaryz ekeni aıtylmady. Jalpy syrtqy qaryz jekemenshik bankterdi qosa alǵanda 57 mıllıard 700 mıllıon dollardy qurap otyr. Ol 5 jarym mıllıard dollarǵa azaıǵan.
"Kvazımemlekettik sektordyń syrtqy boryshynyń shekti kólemi bekitildi. 2018 jyldyń qorytyndysy boıynsha kvazımemlekettik sektordyń syrtqy qaryzy 2017 jyldyń kórsetkishinen 5,1 mıllıard dollarǵa azaıyp, 19,7 mıllıard dollar boldy", - dedi qarjy mınıstri Álıhan Smaıylov.
