Qazaqstan prezıdenti Qasym-Jomart Toqaev 29 tamyzdy Jambyl oblysynda oq-dárilerdiń jarylýynan qaza tapqandar úshin aza tutý kúni dep jarııalady, dep habarlaıdy "Adyrna" ulttyq portaly.
"Jambyl oblysy Baızaq aýdanynda adamdardyń ólimine ákelgen qaıǵyly oqıǵaǵa baılanysty 29 tamyzdy Ulttyq aza tutý kúni dep jarııalaımyn. Qaza tapqan áskerı qyzmetshiler men qutqarýshylar naǵyz erlik pen janqııarlyq kórsetti. Olar halyq jadynda máńgi qalady ", - dep jazdy Tokaev Twitter -de.
26 tamyzda Jambyl oblysy, Baızaq aýdanynda ornalasqan áskerı bólimdegi qoımalardyń biriniń janynda órt shyqty. Qorǵanys mınıstrligi 10-ǵa jýyq jarylys bolǵanyn habarlady.
Tótenshe jaǵdaılar mınıstrliginiń 50 -ge jýyq qyzmetkeri túrli dene jaraqattaryn aldy.
Jambyl oblysynda bolǵan jarylystan qaza tapqandardyń jalpy sany on ekige jetti.
"Adyrna" ulttyq portaly
