Túrkistan oblysynda Qazaqstan prezıdenti Qasym-Jomart Toqaevtyń qatysýymen ótetin ulttyq quryltaıǵa 390 mln teńge bólingendigi aqparat quraldarynda aıtyla bastaǵany málim. Qomaqty qarjysymen kópshilik nazaryn aýdarǵan Túrkistandaǵy ulttyq quryltaıdyń negizgi otyrysy búgin ótedi dep josparlanǵan, dep habarlaıdy "Adyrna" ulttyq portaly.
Eske salaıyq, Ulttyq quryltaıdyń alǵashqy otyrysy byltyr 16 maýsymda Ulytaý oblysynda ótken bolatyn. Alqaly jıynda sóz sóılegen Memleket basshysy kelesi basqosýdy kıeli Túrkistanda ótkizýdi usynǵan edi.
«Quryltaıdyń ár aımaqta ótýi sol óńirdiń damýyna serpin beredi. Onyń músheleri ár joly bir óńirdiń tynys-tirshiligimen tanysady», – dedi Q.Toqaev.
Jıynǵa Memleket basshysy Qasym-Jomart Toqaev qatysady dep josparlanǵan.
Quryltaı ótetin alań qazaqtyń 12 qanatty kıiz úıi tárizdi bezendirilgen. Ár aımaqtan jınalǵan túrli sala ókilderi keshe Túrkistanǵa kelip, alǵashqy sekııalyq jumystarǵa qatysty.
Quryltaı barlyq oblystyń, san túrli salanyń, ár býynnyń ókilderin qamtıdy. Munda azamattyq ustanymy bar orta býynnyń tájirıbesi, jańasha oılaıtyn jastardyń tyń ıdeıalary ortaǵa salynady.
Oraıy kelgende aıta keteıik, osydan birneshe kún buryn Túrkistandaǵy ulttyq quryltaıdy ótkizýge 390 mln teńge jumsalatyndyǵy buqaralyq aqparat quraldarynda aıtylǵan edi.
"Adyrna" ulttyq portaly
