Reseı úkimeti ınternet arqyly mobıldi jáne staıonarlyq telefondarǵa qońyraý shalýǵa tyıym saldy. Bul sheshim resmı túrde telefon alaıaqtaryna qarsy kúres maqsatynda qabyldanǵan, dep habarlaıdy "Adyrna" ulttyq portaly VVS-ge siltep.
Alaıda, bul shekteý Reseıde 2023 jyldyń jeltoqsanynda bastalǵan bankomattardy, polıııa kólikterin jáne basqa da nysandardy órteý tolqyny aıasynda engizilip otyr. Tutqyndalǵandar qylmys jasaýǵa alaıaqtardyń májbúrlegenin aıtqan.
28 jeltoqsanda jarııalanǵan qaýlyǵa sáıkes, baılanys qyzmetterin kórsetý lıenzııalary tiziminen «daýys aqparatyn berý fýnkııasy bar ınternet derekterin taratý lıenzııasy» alynyp tastalady. Úkimettiń málimdeýinshe, bul tehnologııa nómirlerdi aýystyrýǵa múmkindik berip, telefon alaıaqtary tarapynan jıi qoldanylǵan.
«Bul shara telefon alaıaqtyq áreketterin aıtarlyqtaı shekteıdi», — dep málimdedi úkimet ókilderi.
Shekteý messendjerler arasyndaǵy qońyraýlarǵa áser etpeıdi. Úkimettiń habarlaýynsha, sheshim qarapaıym paıdalanýshylarǵa qıyndyq týǵyzbaıdy.
«Messendjerler arqyly baılanys ornatatyn adamdar bul qyzmetti ınternet jelisi arqyly tikeleı qoldana beredi, mobıldi nemese staıonarlyq baılanys jelisine shyǵý qajet emes», — delingen úkimet habarlamasynda.
Qazirgi ýaqytta Zoom nemese Skype sııaqty qyzmetter arqyly ınternetten mobıldi jáne staıonarlyq telefondarǵa qońyraý shalýǵa bolady. Bul qyzmetterdi Reseıden emıgraııalaǵandar men enzýraǵa baılanysty shetelde jumys istep júrgen jýrnalıster de paıdalanyp kelgen.
Úkimet qaýlysy 2025 jyldyń 1 qyrkúıeginde kúshine enedi.
