Búgin - Qutqarýshylar kúni. Qutqarýshy – mamandyq qana emes, bul birqatar kásibine berilgen azamattar úshin kádimgi ómir súrý saltyna aınalǵan. Sonyń biri Sátbaev qalasyndaǵy №2 órt sóndirý bólimshesinde qaraýyl bastyǵy bolyp qyzmet isteıtin Baǵlan Alshynbaevpen Egemen Qazaqstan tilshisi suhbattasty, dep habarlaıdy «Adyrna» ulttyq portaly.
– Bizdiń qyzmetimiz – adamdardy qutqarý. Men 2009 jyldan beri osy saladamyn. Qatardaǵy órt sóndirýshi bolyp kirgen edim, keıin bólimshe komandıri boldym. Byltyrdan beri qaraýylǵa basshylyq jasaımyn. Qyzmetimizdi oryndaǵanymyz úshin halyq alǵysyn jaýdyryp jatady. Biraq alǵys ornyna aıqaı estigen kezimiz de bolǵan, – dep bastady áńgimesin Baǵlan.
Órtenip jatqan úıdiń bir bólmesinde tútinge tunshyǵyp ólim halinde jatqan, aýzynan araqtyń ısi múńkip turǵan jigit aǵasyn qutqarýshylar syrtqa shyǵaryp, járdem kórsetip, aman alyp qalady. Sol sátte úıdiń órtenip jatqanyn estigen álgi kisiniń áıeli jumysynan suranyp keledi de, kúıeýiniń ólim aýzynan aman qalǵanyn estıdi. Sosyn qýanýdyń ornyna ashýǵa berilip, qutqarýshylarǵa «Bul páleni nemenege qutqardyńdar? Ólmese nege ómirem qalmady?» dep kádimgideı ursyp-ursyp tastaıdy.
– Mundaıdy birinshi ret kórýimiz ǵoı. Bárimiz birtúrli bolyp qaldyq. Sóıtsek, biz qutqarǵan adam áıeliniń tapqan-taıanǵanyn araqqa salyp, janjal shyǵarǵannan basqa eshteńemen sharýasy joq, ábden júıkesine tıgen jan bolyp shyqty, - deıdi Baǵlan.
Qutqarýshy ómirinde san túrli jaǵdaılar kezdesedi. Árıne, adamǵa arasha túsip, ajaldan, maıyp bolýdan qutqaryp qalý – qasterli mindet. Sol úshin de el alǵysyna bólenesiń. Baǵlan aıtqandaı, «aıqaı» estip qalatyn kezder de bolady eken. Qutqarýshylar ómiri sonysymen de qyzyq shyǵar, bálkim?
«Adyrna» ulttyq portaly
