WBO jáne IBF nusqalary boıynsha orta salmaqtaǵy álem chempıony qazaqstandyq Jánibek Álimhanuly (15-0, 10 KO) ekinshi orta salmaqtaǵy absolıýt álem chempıony meksıkalyq Saýl «Kanelo» Alvareske (60-2-2, 39 KO) qarsy jekpe-jek ótkizýge daıyn ekenin aıtty, dep habarlaıdy «Adyrna» ulttyq portaly.
Otandasymyz ony aqpan aıynda judyryqtasýǵa shaqyrdy.
Jánibek Álimhanuly áıgili «Kaneloǵa» Instagram-daǵy paraqshasynda úndeý jasady.
«Meniń daıyn ekenimdi bilesizder. «Kanelo» daıyn bolsa, men onymen aqpan aıynda judyryqtasýǵa daıynmyn. Maǵan tórt belbeý kerek. Men ony ońaıshylyqpen nokaýtqa túsire alamyn. Bokstan habaryńyz bolsa, sizder bárin bilesizder», - dep jazdy qazaqstandyq boksshy.
Aıta keteıik, 15 qazan kúni Jánibek Álimhanuly (14-0, 9 KO) germanııalyq Vıncheno Gýalterıdi (21-0-1, 7 KO) jeńip, WBO jáne IBF nusqalary boıynsha álem chempıony atanǵan edi.
«Adyrna» ulttyq portaly
