Bárimiz bir Qudaıdyń pendesimiz. Kezdeısoq jerden, joq jerden dert jamap alamyz. Ómirde eshnársege kepildik joq. Bir taǵdyr bılep jatady.
Halqymyzda «Qudaı saqtańsań ǵana saqtaıdy» degen dana sóz bar. Ata-babamyzdyń kóregendigi sonshalyq, ǵajap uǵymdar kóp. Mysaly, «As – adamnyń arqaýy» deıdi. Arqaýy bolýdyń ózi qoǵamdaǵy, ómirdegi ornyn aıqyndaıdy. «Aýrý – astan» degen de bar. Muny Dúnıejúzilik densaýlyq saqtaý uıymy búgingi ýaqytta suryptap, dáleldep otyr. Sol sebepten taǵamǵa jaı qaraýǵa, tamaq ishtik dep ne bolsa sony jep júrýge bolmaıdy. Al tamaq ishý degen mádenıettiliktiń keremet kózi. Adam kádimgideı saýatty túrde tamaqtanýy kerek.
Oryndy sóıleý – oryndy tamaqtanýmen tikeleı baılanysty. Aqyl-oıdyń damýy da tamaqtanýǵa baılanysty. Kóbimiz ımmýnıtet izdeımiz. Álsirep kettik deımiz. Onyń jalǵyz ǵana negizi bar. Ol – nárli tamaqtanýda.
Durys tamaqtanyp, salaýattylyqty arttyrǵan adamǵa dáriniń de qajettiligi shamaly. Dáriden góri dárýmendi kóp paıdalanar bolsaq, ómirimiz uzaq, keshken ǵumyrymyz maǵynaly bola túspek.
Toregeldy Sharmanov
