Kaspii teŋızınde 14 äskeri qyzmetşınıŋ qaza boluyna bailanysty ūstalǧan Qazaqstan äskeri-teŋız küşterı bas qolbasşysynyŋ bırınşı orynbasary Daniiar Hairuşevtıŋ qyzy jelıde ündeu jariialady, dep habarlaidy "Adyrna".
Ol qaza tapqan äskeri qyzmetşılerdıŋ tuǧan-tuystary men jaqyndaryna köŋıl aityp, tergeu aiaqtalmai tūryp tüpkılıktı qorytyndy jasamauǧa şaqyrdy.
Hairuşevtıŋ qyzy būl ündeudı eŋ aldymen ūstalǧan äskeri qyzmetşınıŋ qyzy retınde jazǧanyn atap öttı. Onyŋ aituynşa, marqūmdardyŋ otbasylary qandai auyr jaǧdaidy bastan ötkerıp jatqanyn tüsınedı jäne ärbır qaza bolǧan äskeri qyzmetşınıŋ jaqyndaryna köŋıl aitady.
Ol tergeu barysynda äskeri oqu-jattyǧudy ūiymdastyru kezınde qandai şeşımder qabyldanǧanyn, kım qandai būiryq bergenın jäne äskeri qyzmetşılerdıŋ qauıpsızdıgıne naqty kım jauapty bolǧanyn anyqtau maŋyzdy ekenın aitty.
«Eger bıreu qylmystyq nemqūrailylyq tanytyp, zaŋsyz şeşım qabyldasa nemese qaiǧyly jaǧdaiǧa äkelgen būiryq berse, ol adam zaŋǧa säikes jauap beruı tiıs», – dedı ol.
Sonymen qatar Hairuşevtıŋ qyzy äkesınıŋ basqa adamdar qabyldaǧan şeşımder üşın jauapqa tartyluyna alaŋdaitynyn jetkızdı. Ol ıstı jan-jaqty ärı obektivtı qarauǧa şaqyrdy.
