Dýshanbede jeksenbige qaraǵan túni jazasyn ótep jatqan bir top sodyr búlik shyǵaryp, túrmeniń úsh kúzetshisin óltirdi.
Búlik Tájikstan astanasy Dýshanbeden 15 shaqyrym jerde ornalasqan kolonııadan shyqqan, dep habarlaıdy RIA Novostı.
Jazasyn ótep jatqan búlikshiler DAISh ekstremıstik uıymyna múshe bolǵany úshin sottalǵan eken. Olardyń barlyǵy pyshaq jáne basqa da ótkir zattarmen qarýlanǵan.
"Shamamen 30 adam ózderin bosatýdy talap etip, úsh qaraýyldy kepilge alyp, óltirip tastady", - delingen Tájikstan ádilet mınıstrligi baspasóz qyzmetiniń habarlamasynda.
Túrme basshylyǵy tutqyndarmen birneshe saǵat boıy kelissóz júrgizgen. Alaıda búlikshiler kolonııa ákimshiliginiń qyzmetkerlerine taǵy da shabýyl jasap, saldarynan keıbiri jaraqat aldy.
Osydan keıin túzeý mekemesiniń basshylyǵy qatań shara qabyldap, abaqtyny kúshpen baqylaýǵa alýǵa májbúr boldy. Búlik kezinde 29 tutqyn men úsh qaraýyl óltirildi, olardyń segizin búlikshiler ózderi jaıratyp salǵan.
"Qazirgi tańda Vahdat kolonııasynda jaǵdaı turaqty jáne baqylaýǵa alyndy", -dep habarlady Tájikstannyń ádilet mınıstrligi.
Quqyq qorǵaý organdary osy fakti boıynsha tergeý júrgizip jatyr.
Sputnik
