Jūmabek Asqar sot zalynan qamauǧa alynyp, 6 jyl 6 aiǧa sottalyp kettı. Akter ükım aldynda prezident Toqaevqa videoündeu joldap, araşa sūraǧan edı, dep habarlaidy «Adyrna» ūlttyq portaly.
Ulysmedia.kz mälımetınşe, Almatyda oligarh Baharidin Äbıläzımov pen Dınmūhamet Ydyrysovtyŋ ūldarymen bırge töbeleske qatysuşylar sottalyp kettı.«Sot ükımımen J., Q., T., S., R., N. jäne K., qylmystyq kodekstıŋ 293, 106 jäne 107-baby boiynşa kınälı dep tanyldy. R-ǧa 6 jylǧa bas bostandyǧynan aiyru jazasy taǧaiyndaldy. Q., T., S., N., jäne K., ärqaisysyna 6 jyl jäne 6 ai merzımge bas bostandyǧynan aiyru jazasy taǧaiyndaldy», – dep habarlady Almaty sotynyŋ baspasöz qyzmetı.Bes küzetşı, didjei jäne mekemege keluşı «būzaqylyq jasady, qasaqana būzaqylyq jasaǧan adamdar tobynyŋ densaulyǧyna auyr jäne ortaşa ziian keltırdı» dep aiyptalǧan.
«Tanymal qazaqstandyq akter Asqar Jūmabek 2022 jylǧy 28 jeltoqsanda LITTLE BRAZIL karaokesıne kelgen. Keluşıler qatarynda belgılı bai adamdardyŋ ūldary Baharadin Äbıläzımov pen Dınmūhamet Ydyrysov, Bostandyq audanynyŋ polisiia qyzmetkerı Valiev Bırjan Nūrlanbekūly bolǧan. Nūrlanbekūlynyŋ qatysuymen bolǧan kelıspeuşılıkter keiınnen töbeleske ūlasty. Töbelestı ajyratuǧa tyrysqan Asqar Jūmabek 6 jyl 6 aiǧa jazyqsyz aiyppen sottalyp kettı», - delıngen Asqardyŋ äleumettık jelıdegı paraqşasynda.10 qazandaǧy sot otyrysynan keiın akter äleumettık jelı arqyly prezidentke jügınıp ülgergen.
«Qūrmettı prezident, sızden ötınıp kömek sūraǧym kelıp tūr. Myna videony tüsıruge mäjbür bolyp tūrmyn. Sebebı basymda bır ıs bolyp jatyr. Men halyqtyŋ aldynda jürgen aktermın. Osydan bır jyl būryn 27 jeltoqsanda karaokede jaǧdai oryn aldy. Būl ıs köp kanaldan körsetıldı. Is jalǧasyp jatyr. 10 ai boiy üiqamaqta otyrmyn. Erteŋ ükım şyǧady. Aldyn-ala özımdı qorǧau jäne sızden kömek sūrau maqsatynda videony tüsırıp jatyrmyn. Ädıldıktı qalaimyn. Ol jerde menıŋ eş kınäm joq. Eşkımmen töbelesken joqpyn. Qūrmettı prezident, eger erteŋ bızdıŋ bas bostandyǧymyzdan aiyratyndai jaǧdai bolsa, osy video bükıl instagram arnasyna tarasa deimın. Ol jerde Ydyrysov pen Äbıläzımov Bahridden degen kısınıŋ ūldary bolyp otyr. Kımge baryp kömek sūrasam da, bärı basyn alyp qaşady. Qorqady. Mende basqa jol qalmady. Barynşa kömek beruıŋızdı sızden ötınıp sūraimyn. Menen basqa jıgıtter de eş sebepsız ketıp barady. Bızde aqşa joq bolsa, bärımız qamala beruımız kerek pe? Eger sondai bolsa, Qazaqstan elınıŋ azamaty bolmai-aq qoiaiyq. Osy ıske köz jügırtıp ötesız degen ümıttemın. Töbelestı bastaǧandar baǧana aitqandardyŋ ūldary bolsa da, bız sottalyp ketıp bara jatyrmyz», - degen edı akter äleumettık jelı arqyly.
«Adyrna» ūlttyq portaly.
Ūqsas jaŋalyqtar
