Toqaev Franııaǵa saparynda Áblıazovty elge qaıtarý máselesin talqylaı ma – SIM jaýaby

3032
Adyrna.kz Telegram
Foto: ashyq derekkózden
Foto: ashyq derekkózden

Qazaqstan prezıdenti Qasym-Jomart Toqaev Franııa prezıdenti Emmanýel Makronmen Franııada turyp jatqan qazaqstandyq bankır Muhtar Áblıazov aınalasyndaǵy jaǵdaıdy talqylaıdy degen aqparat sheteldik BAQ-ta tarady. Bul máselege qatysty Syrtqy ister vıe-mınıstri Roman Vasılenko pikir bildirdi.

«Bul másele kóptegen eldiń quqyq qorǵaý organdarynyń aıryqsha quzyretine tıesili. Atalmysh másele (Áblıazovty Franııadan elge qaıtarý – avt.) saıası deńgeıde talqylanbaıdy. Másele sot organdary me quzyrly organdardyń quzyretine tıesili. Tek Qazaqstan emes – Eýropa men AQSh-tyń. Ózderińizge belgili, Áblıazov myrza Qazaqstanda quqyq buzǵany jáne jazyǵy úshin 20 jylǵa bas bostandyǵynan aıyrylǵan», – dedi mınıstrdiń orynbasary Májilistiń jalpy otyrysynan soń.

Onyń aıtýynsha, qazaqstandyq bankırdi BTA bankinen 4 mlrd dollar urlaǵany úshin Londonnyń joǵary soty da úkim shyǵarǵan.

“Qazir oǵan qatysty basqa da sot proesteri AQSh, Ulybrıtanııa jáne Franııada júrip jatyr. Qazaqstan tarapynan sot proesine qatysýshy – BTA, Almaty ákimdigi jáne Ádilet mınıstrligi. Sondyqtan bul zań aıasynda qaralatyn másele. Ol – Áblıazov myrzaǵa qatysty is tergelip jatqan elderdiń quqyq qorǵaý organdarynyń ózara is-qımylynyń nysany. Sondyqtan bul másele saıası deńgeıde talqylanbaıdy”, – dedi Roman Vasılenko.

Aıta keteıik, 29 qarashada Memleket basshysy Qasym-Jomart Toqaev resmı saparmen Franııaǵa bardy.

Pikirler