Qazaqstan ishki ister mınıstri Erlan Turǵambaev prezıdent Qasym-Jomart Toqaevtan Atyraý oblysy polıııa departamenti basshysy Aıan Dúısembaevty qyzmetten bosatýdy surady.
Mınıstrliktiń Tengrinews.kz agenttigine habarlaýynsha, "ishki ister mınıstriniń orynbasary Alekseı Kalaıchıdı bastaǵan komıssııa Atyraý oblysyna baryp, qoǵamda shý týǵyzǵan oqıǵany tekserdi. Komıssııa Dúısembaevtyń qyzmet etıkasyn buzǵanyn anyqtady".
Buǵan deıin ınternette Atyraý oblysy polıııa departamenti basshysy Aıan Dúısembaevqa uqsaıtyn adamǵa bir top jurt qoshemetpen jylqy mingizip jatqan vıdeo taraǵan. Ishki ister mınıstrligi bul vıdeodaǵy adam Aıan Dúısembaev ekenin aıtyp, onyń ústinen qyzmettik tekseris bastalǵanyn habarlaǵan.
Qasym-Jomart Toqaev "syılyqqa jylqy mingen" polıııa departamenti basshysyn qatań jazalanatynyn aıtqan.
6 mamyrda Qasym-Jomart Toqaev Nur-Sultanda Aıan Dúısembaevqa general-maıor shenin tapsyrǵan.
"Azattyq" radıosy
