Şymkentte asa ırı mölşerde esırtkı tasymaldaǧan jıgıt sottaldy, dep habarlaidy «Adyrna» ūlttyq portaly Polisia.kz saityna sılteme jasap.
Eŋbekşı audandyq polisiia basqarmasynyŋ qyzmetkerlerımen qala aumaǧynda esırtkı zattaryn tasymaldau küdıgı boiynşa 25 jastaǧy jıgıttı toqtatqan bolatyn. Jedel-tergeu tobynyŋ qyzmetkerlerı er adamnyŋ jeke basyn tekseru barysynda esırtkıge ūqsas zattar salynǧan 101 orama tärkıledı. Saraptama qorytyndysy alynǧan zattardyŋ asa ırı mölşerdegı mefedron psihotroptyq zaty ekenın rastady. Polisiia qyzmetkerlerı atalǧan jaitty QR QK-nıŋ 296-baby 4-bölıgı (Asa ırı mölşerdegı esirtki, psihotroptyq zattardy, sol tektesterdı ötkızu maqsatynsyz zaŋsyz daiyndau, qaita öŋdeu, iemdenu, saqtau, tasymaldau) boiynşa tırkep, tergeu amaldaryn jürgızdı. Atqarylǧan jūmystardyŋ nätijesınde tergeuşıler küdıktınıŋ kınäsın tolyq däleldep, qylmystyq ıs-boiynşa jinaqtalǧan qūjattar men aiǧaqtardy sotqa joldady. Sot şeşımımen jergılıktı tūrǧyn 4 jyl merzımge bas bostandyǧynan aiyryldy.«Adyrna» ūlttyq portaly
Ūqsas jaŋalyqtar
