Qazaqstanda muǵalimder ádisteme men testileýden múldem bosatylatyny aıtyldy, dep habarlaıdy "Adyrna" tilshisi Stan.kz aqparat agenttigine silteı otyryp.
Prezıdent Qasym-Jomart Toqaev Respýblıkalyq pedagogter sezinde muǵalimderge qysym kórsetýdi toqtatý kerektigin mindettegen bolatyn.
"Sonymen qatar salalyq mınıstrlik biliktilik talaptaryn jıi ózgertý arqyly oqytýshylarǵa qysym jasaýdy toqtatýy kerek ekenin aıtqym keledi. Oıyna ne kelse, sony isteıtin sheneýnikterdiń júgensizdigine tosqaýyl qoıý qajet. Muǵalimder tynysh, turaqty jáne alańsyz jumys isteýge quqyly."- dedi Prezıdent.
Prezıdent pármeninen keıin Oqý-aǵartý mınıstrligi sý jańa reformalardy qolǵa alǵanyn aıtty. Sonyń biri — bıyldan bastap ustazdar qaýymy ádisteme men pedagogıkaǵa qatysty testileýden múldem bosatylady.
Mınıstr Ǵanı Beısembaev muǵalimderdiń balaǵa sapaly bilim berýine meılinshe kóńil bólýdi qolǵa alatynyn aıtty. Ásirese ustazdardy attestaııalaýdan ótkizý tártibi taǵy bir pysyqtalmaq.
Biliktiligin arttyrý úshin mektepte sabaq beretin muǵalimder testileýden ótýde sertıfıkat, madaqtama qaǵaz, dıplomdaryn kóshirmeden ótkizip áýre-sarsańǵa túsetin edi.
Al qazir barlyq qujat elektrondy formatta saqtalatyndyqtan, talap etilgen bul norma da alynyp tastaldy.
