Taldyqorǵan qalasyndaǵy Nazarbaev Zııatkerlik mektebinde halyqaralyq «Ustazdar kúni» merekesi atalyp ótti. Mereke aıasynda «Ustazym, sizge myń alǵys!» akııasy bastaý aldy. Mekteptiń búkil pedagogıkalyq ujymy men oqýshylary ustazdaryna qurmet kórsetip, alǵys sózderin aıtýǵa asyqty.
Mmektep dırektory Vıktor Sosın óziniń bıologııa pániniń muǵalimi Kan Svetlana Aleksandrovnany quttyqtady.
№20 daryndy balalarǵa arnalǵan lıeıde Svetlana Aleksandrovna oqýshy Vıktorge sabaq bergen bolatyn. Svetlana Aleksandrovna 40 jyldan astam ómirin bilim salasyna arnady, respýblıkalyq jáne halyqaralyq olımpıadalar men ǵylymı jobalardyń jeńimpazdaryn daıyndady.
Búgingi túlekteri – elge ǵana emes, shet elderge de tanymal dárigerler, bıologtar, ǵalymdar.
Taldyqorǵandaǵy NIS dene shynyqtyrý pániniń muǵalimi Bolat Isabekov alǵashqy ustazyna kútpegen tosyn syı jasady. «Janna Qajymuratqyzy, kirsem bola ma?» dep synybynyń esigin qaqqanda, ózin taǵy da oqýshydaı sezindi. Óıtkeni, sol kezden beri 30 jyl ótti.
Árbir adamnyń ómirinde birinshi ustazdyń alatyn orny erekshe. Onyń ómirlik nusqaýlary men jyly kúlkisi áli esimde. Kishi synyptarda oqyp júrgende mektep oqýshylarynyń barlyǵy Nasıha Ýalıqyzynyń qamqorlyǵy men mahabbatyn sezinetin», — Nazıra Sultanova Taldyqorǵandaǵy NIS tarıh pániniń muǵalimi óziniń alǵashqy ustazy týraly estelikterimen bólisti.
Bul kúni tuńǵysh ustazy Nasıha Ýalıeva shákirtin úıiniń bosaǵasynyn aldynan qarsy aldy. Qushaqtasyp, aq tilekter aıtylyp, jyly estelikter men áńgime - dúken dastarhan ústinde jalǵasty. Arada ondaǵan jyldar ótse de, mektep jyldary men alǵashqy ustaz júrekte máńgi saqtalady.
Tártip - adam boıyndaǵy týma qasıet dep esepteledi. Biraq Taldyqorǵandaǵy NIS áskerı daıyndyq pániniń muǵalimi Aıbat Qýanyshbaev bul pikirmen múldem kelispeıdi.
Máselen, eshbir bala týysymen tártipti, eńbeksúıgish, ne jalqaý, ne ustamdy bolyp týmaıdy. Onyń minezi uzaq jylǵy ómir súrý barysynda qalyptasyp otyrady. Qalyptastyrýshynyń biri – ustaz bolyp keledi.
Eń basty daǵdyny Aıbat Qýanyshbaev dene shynyqtyrý pániniń muǵalimi Natalıa Baıserikovadan alǵanyn aıtty.
Bul kúni 7-synyp oqýshysy Kórkem Aıtmolda synyp jetekshisine alǵysyn bildirdi. Ustazynyń qoldaýy arqasynda ol bıylǵy jyly konkýrstyq irikteýden sátti ótip, Taldyqorǵan qalasyndaǵy Nazarbaev Zııatkerlik mektebiniń oqýshysy atandy.
