Ózbekstan men Úndistannyń sporty qarqyndy damyp ketken joq, Qazaqstan sporty qatty quldyrap ketken. Áıtpese, Qazaqstan Azıadada 20-24 altyndy ońaı alatyn.
Jeńil atletıkanyń basy-qasyndaǵylar bir Olga Rypakovanyń, júzý Dmıtrıı Balandınnyń arqasynda jany qalyp, sol sportshylar jeńgen altyndy alaýlatyp, esepterine qampıtyp qosatyn. Qytaıdaǵy Azııa oıyndarynda Rypakova úzdik bolǵan úsh qarǵyp sekirýden sportshy qosa almadyq. Azııa oıyndarynda 3-4 altyn alatyn jeńil atletter alǵash ret Azıadada altynsyz qaldy.
"Saryarqadaı" velotregi bar eldiń álem chempıonaty men olımpıadany bylaı qoıyp, Azııa oıyndarynan altynsyz qalǵanyn...
Álem chempıonatynda da, Azııa oıyndarynan da altyn ala almaǵan dzıýdoda da quldyraý. Taekvondodan quramadaǵy birde-bir sportshy fınalǵa shyǵa almady. Aýyr atletıkadaǵy bylyq bul sportty tuǵyrdan túsirip tastady. Aýyr atletterdiń Azııa oıyndarynda bestikke enýi qıyn.
Trıatlonnan buryn Qazaqstan Azııanyń aldy edi, qazir bul sporttaǵy myqty dástúr úzildi. Sadaq atýdan bir jyldary erler quramasy álem kýbogynda Koreıa, Iran, Úndistandy jeńip júretin edi, qazir sol jigitterdiń nátıjesi qatty túsip ketti. Myqty quramany quldyrýyna ne sebep? Eshkim bas qatyryp jatqan joq.
El sportynda býyn almasý bolyp jatyr deıin deseń qurama jasaryp ketkeni shamaly.
Búkil bir federaııa ómir boıy bir sportshyǵa arqa súıep, izbasar daıyndaǵanda Ózbekstan men Úndistan ozyp ketti dep qarap otyramyz. 2018 jyly Azııa oıyndarynda toǵyzynshy oryn alyp qalǵanda-aq mamandar aldymen buqaralyq sportty damytý keregin, balalarǵa sportty qol jetimdi etý keregin qaıta-qaıta aıtqan. Tokıo, Pekındegi sátsizdikterden keıin de osy másele kóterilgen.
Al salyǵynan ulttyq quramanyń aqshasyn tólep otyrǵan halyqtyń bılikten altyn nege az dep suraýǵa tolyq haqysy bar.
