Aıtysker aqyn Serikzat Dúısenǵazy 49 jasynda taǵy da áke atandy, dep habarlaıdy "Adyrna" portaly. Aqynnyń otbasyndaǵy qýanysh týraly aıtysker Sara Toqtamysova jarııa etip, súıinshi surady.
“Súıinshi, aǵaıyn! Alla ulyq! Búgin aq túıeniń qaryny aqtarylǵan kún. Serikzat aǵam uldy boldy. Qýanyshtan kóńilim bosap tur. El tileýi qabyl boldy. Allanyń salıh quldarynan bolsyn! Balapan ǵumyrly bolsyn! Aǵataıym, Aınur jeńgem ekeýińizdi alaqanda aıalaıtyn naǵyz jigittiń Sultany bolsyn. Tilek jazyp otyrýdy umytpańyzdar. Jaqsylyqty bólisseń, kóbeıedi”, – dep jazdy Sara Toqtamysova.
Kópshilik aıtysker aqyndy qýanyshymen quttyqtap, aq tilekterimen bólisti arnady.
“Allaǵa shúkir, qýanyshtymyz, baýy berik bolsyn, qyzyǵyn kórsin”, “Shirkin-aı, ǵajap jańalyq, qýanyshtymyz! Keremet bolǵan eken. Baýy berik bolsyn”, “Ǵumyry kórkem bolsyn sábıdiń”, “Baýy berik bolsyn ,jasy uzaq bolsyn”, “Allanyń qudireti sheksiz”, “Ǵaıyp eren, qyryq shilten perishte shylaýyna alsyn, balapandy! Sansyz shúkirlik”, – dep jarysa jazdy jeli qoldanýshylary.
Esterińizge sala keteıik, bıyl qańtar aıynda aıtysker, aqyn Serikzat Dúısenǵazınniń 16 jastaǵy uly Álıhan Kókshetaýdaǵy demalys ornynda oqys oqıǵa saldarynan qaza tapqan bolatyn.
