Aıtysker aqyn, fılologııa ǵylymdarynyń kandıdaty Serikzat Dúısenǵazynyń anasy ómirden ozdy, dep habarlaıdy «Adyrna» tilshisi.
Qaıǵyly habardy jýrnalıst Nurtaı Lahan jetkizdi.
«Jaqynda ǵana qapııada, belgisiz jaǵdaıda qaza tapqan jas óskin Álıhan Serikzatulynyń ájesi Sájıda ana da "jaryq jalǵanǵa qosh aıtypty" degen jamanat habar keldi. Jan degendegi jalǵyz ulynan, aıaýly anasynan aırylýdyń qandaı ekeni aıtpasa da túsinikti. Serikzat dosym, qaıǵyny qara nar ǵana kóteredi deýshi edi. Sen de nardyń júgin kóterip júrgen azamatsyń ǵoı. Bekem bol! Qaıǵyńa ortaqpyn!»—dedi ol.
«Adyrna» ulttyq portaly marqumnyń jaqyndary men týystaryna kóńil aıtady.
