Jyl saiynǧy Kazakhstan Growth Forum-da üzdık qazaqstandyq kompaniialardy marapattau räsımı öttı.
Memlekettık jäne basqa da sifrlyq servisterdı bırıktırgenı üşın jäne qazaqstandyqtardyŋ kündelıktı ömırıne keŋınen endırgenı üşın Kaspi.kz kompaniiasy basty «Jyl transformatory» atandy.
Kaspi.kz-tıŋ basşysy ärı negızın qalauşylardyŋ bırı Mihail Lomtadze öz pıkırın bıldırdı:
Bügıngı taŋda Qazaqstan – memlekettık qyzmetterdı onlain körsetude älemdegı eŋ damyǧan elderdıŋ bırı, ol är qazaqstandyq üşın zor maqtanyş közı. Qazaqstandyqtar üşın memlekettık qyzmetterdı barynşa qoljetımdı etuge tyrysyp jatqan memlekettık organdarǧa raqmet aitamyn. Sifrlyq damu ministrlıgı, «Ūlttyq aqparattyq tehnologiialar» AQ, «Azamattarǧa arnalǧan ükımet» KEAQ, Qarjy ministrlıgı, Memlekettık kırıster komitetı, Densaulyq saqtau ministrlıgı, Işkı ıster ministrlıgı, Eŋbek jäne halyqty äleumettık qorǧau ministrlıgı, Ädılet ministrlıgı, Bas prokuraturanyŋ Qūqyqtyq statistika komitetı, IIM Äkımşılık polisiia komitetı men azamattarǧa arnalǧan zamanaui sifrlyq servisterdı jasauǧa atsalysqan basqa da mekemelerge senım artqany üşın jäne bırlesıp jūmys ıstegenı üşın myŋ alǧys. Al qazaqstandyqtar memlekettık qyzmetterdı tura öz smartfonynda oŋai ärı jyldam alady. Bızdıŋ jūmysymyzdy joǧary baǧalaǧany üşın forumnyŋ qazylar alqasyna raqmet!
Kazakhstan Growth Forum saraptamalyq keŋesı jyl saiyn elımızdıŋ üzdık kompaniialaryn aiqyndaidy. Biyl onyŋ qūramyna Oraz Jandosov, Säken Jūmaşev (KPMG), Elena Bahmutova (AFK), Eldar Äbdırazaqov (Kazakhstan Growth Forum), Ekaterina Bendjamin (IFC), Erlan Dosymbekov (EY), Erjan Dosymbekov (Grant Thornton), Andrei Beklemişev (IDC), Dulatbek İkbaev (McKinsey & Company), Dana Iŋkärbekova (PwC), Dina Urastaeva (Qazaq Independent Directors) siiaqty bedeldı sarapşylar kırdı.
