Almatydaǧy «Şaŋyraq» äleumettık üiındegı qarttardyŋ eŋ ülkenınıŋ jasy 100-dı şamalady. Būl jerde däl qazır 288 qariia bar.
Mekeme mamandarynyŋ sözınşe, mūndaǧy qarttar jyl saiyn artyp keledı. "Şaŋyraq" arnauly äleumettık qyzmet körsetu ortalyǧy direktorynyŋ äleumettık ıster jönındegı orynbasary Symbat Nabieva osynau köŋıl tolqytar üidıŋ tūrǧyndary turaly aityp berdı.
- Bos uaqyttarynda qarttarymyz türlı üiırmeler, qolöner, kıtaphanaǧa barady. Sondai-aq, bızdıŋ qarttar muzykalyq jetekşı, än üiırmelerımen de ainalysady,-dedı "Şaŋyraq" arnauly äleumettık qyzmet körsetu ortalyǧy " KMM-nıŋ äleumettık ıster jönındegı orynbasary Symbat Nabieva.
- Osy 288 qariianyŋ ışınde balalary, tolyq otbasy bar qarttar bar ma?
- Köbısınıŋ balalary şet elderde tūrady. Jūmys barysymen uaqytşa ketkenderı de bar.
- Osy qarttardyŋ jaǧdaiy qalai? Olardyŋ potensialyn qoǧam paidalana alyp otyr ma? Memleket tarapynan qarttarymyzǧa qandai kömekter körsetılıp jatyr?
- Memleket tarapynan qarttarymyzga tolyqtai kömek körsetılıp otyr. Tūruǧa yŋǧaily baspana, barlyq jaǧdai jasalǧan, tösek oryndary, memleketten berıletın därı-därmek, mümkındıgı şekteulı qarttarǧa sanatoriiaǧa arnaiy emdık demalys ta memeleket tarapynan ūiymdastyrylyp jatyr.
- Osy 288 qariianyŋ ışınde jasy ülkenı kım?
- Anna Sokolova esımdı 100 jastaǧy qariiamyz bar. Jaǧdaiy jaqsy.
- Ol kısınıŋ kütımı qalai?
- Densaulyq jaǧdaiy qanaǧattanarlyq, özın-özı qamtamasyz etedı, jaqsy este saqtau qabıletıne ie,-dedı qyzmetker.
Symbat Nabievanyŋ aituynşa, Anna Antonovna Ekınşı düniejüzılık soǧys bastalǧanda 17 jasynda otbasymen bırge Jambyl oblysyna köşırılgen eken. Soǧys jyl arynda eŋbek maidanynyŋ belsendı qatysuşysy boldy. Ol buhgalter qyzmetınen zeinetke şyqqan. Bügınde mekeme tūrǧyny jas kezınde eren eŋbegı üşın bırneşe ret ükımettık nagradalarmen marapattalǧan.
Mamandardyŋ sözınşe, qazır qariianyŋ jaǧdaiy tūraqty, medisinalyq tekserısten jiı ötıp tūrady. Anna Antonovnaǧa bekıtılgen standartqa säikes qyzmetterdıŋ barlyq türı körsetıledı.
”Adyrna” ūlttyq portaly
