Mańǵystaý oblysynyń áskerı bóliminde bir sarbaz qaıtys boldy, dep habarlaıdy "Adyrna".
Áskerge kelip, Otan aldyndaǵy boryshy óteımin degen jas sarbaz Asqar Arashbaı ótken kúzde Túrkistan oblysynan shaqyrylǵan. Alaıda áskerge saý ketken balasyn kórýge asyqqan ata-ana sarbazdyń máıitin alǵan.
Áskerge shaqyrylýshy 25744 áskerı bóliminde, ıaǵnı teńiz jaıaý áskeriniń bóliminde shuǵyl qyzmet atqardy.
"Ol 2003 jyly týǵan, kolledjden keıin shuǵyl qyzmetke shaqyryldy. Bizge habarlaǵandaı, týǵan-týystary Shymkentten Aqtaýǵa ushyp barady. Biz ne bolǵanyn áli bilmeımiz", - dedi marqumnyń týysy.
Teńiz jaıaý áskeriniń baspasóz qyzmeti habarlaǵandaı, sarbaz 30 qyrkúıek kúni Aqtaý garnızonynyń Oımashy polıgonynda belgisiz zattyń jarylýy saldarynan kóz jumǵan.
Jedel járdem qyzmeti shaqyrylǵanymen sarbazdy qutqarý múmkin bolmaǵan. Ol áskerı aýrýhanaǵa barar jolda kóz jumǵan. QR QK Qurlyq áskerleriniń baspasóz qyzmeti sarbazdyń bıyl 20 jasqa tolǵanyn aıtady.
"Marqumnyń aty Asqar Arashbaı. Bıyl ol 20 jasqa toldy. Ol ótken jyldyń kúzinde kolledjdi bitirgennen keıin Túrkistan oblysynan áskerge shaqyryldy. Oqıǵa ornyna "Zapad" óńirlik qolbasshylyǵy áskerleriniń qolbasshysy general-maıor Dáýlet Ospanov bastaǵan komıssııa jiberildi",-dep habarlady.
Vedomstvo 30 qyrkúıekte Aqtaý garnızonynda jumys júrgizý kezinde "Batys" qolbasshylyǵynyń oqý polıgonynda belgisiz zattyń jarylǵanyn habarlap otyr. Nátıjesinde bir áskerı qyzmetshi ártúrli dárejede jaraqat alyp, medıına qyzmetkerleriniń kúsh-jigerine qaramastan, aýrýhanaǵa barar jolda qaıtys boldy.
