Maŋǧystau oblysynyŋ äskeri bölımınde bır sarbaz qaitys boldy, dep habarlaidy "Adyrna".
Äskerge kelıp, Otan aldyndaǧy boryşy öteimın degen jas sarbaz Asqar Araşbai ötken küzde Türkıstan oblysynan şaqyrylǧan. Alaida äskerge sau ketken balasyn köruge asyqqan ata-ana sarbazdyŋ mäiıtın alǧan.
Äskerge şaqyryluşy 25744 äskeri bölımınde, iaǧni teŋız jaiau äskerınıŋ bölımınde şūǧyl qyzmet atqardy.
"Ol 2003 jyly tuǧan, kolledjden keiın şūǧyl qyzmetke şaqyryldy. Bızge habarlaǧandai, tuǧan-tuystary Şymkentten Aqtauǧa ūşyp barady. Bız ne bolǧanyn älı bılmeimız", - dedı marqūmnyŋ tuysy.
Teŋız jaiau äskerınıŋ baspasöz qyzmetı habarlaǧandai, sarbaz 30 qyrküiek künı Aqtau garnizonynyŋ Oimaşy poligonynda belgısız zattyŋ jaryluy saldarynan köz jūmǧan.
Jedel järdem qyzmetı şaqyrylǧanymen sarbazdy qūtqaru mümkın bolmaǧan. Ol äskeri auruhanaǧa barar jolda köz jūmǧan. QR QK Qūrlyq äskerlerınıŋ baspasöz qyzmetı sarbazdyŋ biyl 20 jasqa tolǧanyn aitady.
"Marqūmnyŋ aty Asqar Araşbai. Biyl ol 20 jasqa toldy. Ol ötken jyldyŋ küzınde kolledjdı bıtırgennen keiın Türkıstan oblysynan äskerge şaqyryldy. Oqiǧa ornyna "Zapad" öŋırlık qolbasşylyǧy äskerlerınıŋ qolbasşysy general-maior Däulet Ospanov bastaǧan komissiia jıberıldı",-dep habarlady.
Vedomstvo 30 qyrküiekte Aqtau garnizonynda jūmys jürgızu kezınde "Batys" qolbasşylyǧynyŋ oqu poligonynda belgısız zattyŋ jarylǧanyn habarlap otyr. Nätijesınde bır äskeri qyzmetşı ärtürlı därejede jaraqat alyp, medisina qyzmetkerlerınıŋ küş-jıgerıne qaramastan, auruhanaǧa barar jolda qaitys boldy.
Ūqsas jaŋalyqtar
