Aqtaý turǵyndary aspanda jarqyrap qulaǵan belgisiz obektini baıqap, ony vıdeoǵa túsirip úlgergen. Áleýmettik jelilerde taraǵan kadrlardan jyldam qulap bara jatqan jaryq núkteni kórýge bolady. Jeli qoldanýshylary bul qubylystyń ne ekenin boljaı almaı, túrli pikirler aıtýda.
Alaıda kóp uzamaı bul qubylystyń naqty ne ekeni belgili boldy. 20 sáýir kúni Máskeý ýaqytymen 04:20-da «Soıýz MS-26» ǵarysh kemesiniń qaıtý kapsýlasy Jezqazǵan qalasy mańyna sátti qonǵan. Aspandaǵy kórinis — dál osy kapsýlanyń atmosfera qabattaryna ený kezinde paıda bolǵan qubylys ekeni anyqtaldy.
Kapsýlada «Roskosmos» ǵaryshkerleri Alekseı Ovchının, Ivan Vagner jáne NASA astronavty Donald Pettıt boldy. Olar Halyqaralyq ǵarysh stanııasynda uzaq merzimdi 73-ekspedıııa aıasynda jumys istep, 2024 jyldyń qyrkúıek aıynan bastap 43 ǵylymı-qoldanbaly tájirıbe júrgizgen. Sonymen qatar, ǵaryshkerler ashyq ǵaryshqa shyǵyp, bir pılotty jáne eki júk kemesin qabyldaǵan.
Foto: RoskosmosQaıtý kapsýlasy HǴS-nyń Reseı segmentindegi «Rassvet» modýlinen sátti bólinip, orbıtadan shyǵyp, Jerge qoný kezeńin qalypty rejımde ótkerdi.
Aıta keteıik, qazirgi tańda Halyqaralyq ǵarysh stanııasynda 73-uzaq merzimdi ekspedıııanyń ekıpajy jumysyn jalǵastyryp jatyr. Onda «Roskosmos» ǵaryshkerleri Sergeı Ryjıkov, Alekseı Zýbrıkıı, Kırıll Peskov, NASA astronavttary Djonatan Kım, Enn MakKleın, Nıkol Aıers jáne JAXA (Japonııa) astronavty Takýıa Onısı bar.
