كاسپي قۇبىر كونسورتسيۋمى نىساندارىنىڭ قاۋىپسىزدىگىن قامتاماسىز ەتەتىن كەلىسىم جاسالعانى دۇرىس. بۇل تۋرالى اقش-تىڭ قازاقستانداعى ەلشىسى دەنيەل روزەنبليۋم استانا قالاسىندا باق وكىلدەرىمەن وتكەن دوڭگەلەك ۇستەلدە ايتتى، دەپ حابارلايدى «ادىرنا» ءتىلشىسى.
«كاسپي قۇبىر كونسورتسيۋمىنىڭ كوممەرتسيالىق جانە ازاماتتىق نىساندارى مەن ينفراقۇرىلىمىنىڭ قاۋىپسىزدىگىن قامتاماسىز ەتۋگە كومەكتەسەتىن قانداي دا ءبىر كەلىسىم بولسا، بارلىعىنا جاقسى بولار ەدى. مەن مۇنىڭ قانشالىقتى مۇمكىن ەكەنىن بىلمەيمىن، بىراق اسكەري ارەكەتتەر كوممەرتسيالىق جانە ازاماتتىق نىساندارعا ەشقانداي اسەر ەتپەۋى ءۇشىن وسىنداي كەلىسىم جاسالعانىن دۇرىس دەپ سانايمىن»،—دەدى ول.
ايتۋىنشا، قازاقستاندىق جانە امەريكالىق تاراپتار كاسپي قۇبىر كونسورتسيۋمىنىڭ قاۋىپسىزدىگى ماسەلەسى تالقىلاعان.
«بۇل تەك قازاقستان ۇكىمەتىمەن عانا ەمەس، مۇنايدى ۇزدىكسىز جانە قاۋىپسىز تاسىمالداۋ ءۇشىن ءوز جۇمىسىندا كونسورتسيۋمعا سەنەتىن ءتۇرلى كومپانيالاردىڭ وكىلدەرىمەن دە كەلىسسوزدەر جۇرگىزىلدى. «قازمۇنايگاز» مەملەكەتتىك كومپانيا بولعاندىقتان، بۇل كومپانيانىڭ، ينۆەستورلاردىڭ جانە قازاقستان ۇكىمەتىنىڭ جاۋاپكەرشىلىگىندە»،—دەپ تولىقتىردى ەلشى.
