Qazaqstanda endı jeke qūjattardyŋ köşırmesın jasauǧa tyiym salynady. Būdan bylai eşqandai memlekettık organ nemeke jeke käsıpkerlık subektılerı azamattyŋ derbes derekterı saqtalǧan qūjattardyŋ qaǧaz nūsqasyn sūrai almaidy. Būl turaly İnformbiuro jariialady, dep habarlaidy “Adyrna” ūlttyq portaly.
Aqparatqa süiensek, būl norma qazaqstandyqtardyŋ aqparattyq qauıpsızdıgın qamtamyz etu üşın engızılmek. Sebebı, soŋǧy jyldary kiberşabuyldar köbeigen
Būdan bylai jeke qūjattardyŋ köşırmesın jasauǧa jäne öŋdeuge tyiym salynady. Sondai-aq memlekettık aqparattyq qauıpsızdık ortalyǧy qūrylady. Būl vedomstvo derbes derekterdıŋ ainalymy men saqtaluyn baqylaidy.
Zaŋdarda qarastyrylǧan jaǧdaidy qospaǧanda, jeke basyn kuälandyratyn qūjattardyŋ qaǧaz köşırmelerın jinauǧa jäne öŋdeuge tyiym salynbaq. Būl azamattardyŋ derbes derekterın basqa maqsattarda qoldanuyna jol bermeu üşın jasalady. Būǧan bailanysty immigranttar, rezident emester bar, köşıp keluşıler bar olardan talap etıledı, – dedı Parlamentı mäjılısınıŋ deputaty Nūrtai Sabilianov.
Deputat Ekaterina Smyşliaevanyŋ aituynşa, qazır Egov portalynda nesie aludan erıktı türde bas tartu tetıgı engızılgen. Endı atyna kredit räsımdeuge tyiym salu qyzmetıne qūqyqtyq märtebe berıledı. Sol arqyly internet alaiaqtardyŋ derbes derekterdı paidalanuy şektelmek.
Būl qyzmet qazırdıŋ özınde qoljetımdı. Endı zaŋ aiasynda qūqyqtyq märtebe beremız. Demek bankter tūtynuşynyŋ kreditten bas tartqanyn esepke aluǧa mındettı bolady. Ärbır operator retteuşıge derbes mälımetterdıŋ taralǧany jaily üş kün ışınde habarlauǧa tiıs, – dedı deputat Ekaterina Smyşliaeva.
Jeke mälımetter jariialanuy mümkın memlekettık korporasiialardyŋ qyzmetı memlekettık qyzmetpen teŋestırıledı. Säikesınşe, äkımşılık te, qylmystyq ta jauapkerşılık artady. Al "derbes derek" ūǧymyna naqty anyqtama berılgen soŋ, maŋyzdylyǧyna qarai aiyppūl kölemı ūlǧaitylmaq.
