Aldyn ala aıta keteıik, «Máńgilik polk» sherýi Keńes odaǵy kezeńinde bolǵan emes, bertin Reseı ıdeologtary oılap taýyp, jappaı qoldanysqa engizgen. Kremldiń saıası tehnologtarynyń yqpalymen 2013 jyldan bastap Qazaqstanda ótkizile bastady.
Bul akııa soǵys ardagerleriniń, tyl eńbekkerleriniń erlikteri men eren eńbekterin qurmetteýge baǵyttalǵan kóptegen sharalardyń eshqaısyna uqsamaıdy. Mán-maǵynasy tarıhıdan góri saıası reńkke ıe, sherýdiń ıdeıasy: Keńes ımperııasyn dáripteý, kommýnıstik qoǵamdy kókseýshilerdi rýhtandyrý, egemen eldikti qoldaýshylardyń kóńiline kúdik uıalatý.
O dúnıelik adamdardyń portretterin myńdaǵan adamdardyń bastarynan joǵary kóterip ortalyq kóshelerde sherý ótkizýi din, ulttyq dil, morol turǵysynan qarastyrǵanda da retsiz. Bul saıası shara soǵys kýltyn nasıhattaý retinde de baǵalanýda.
Pavlodarda 9 mamyr kúni Jeńis merekesi aıasynda «Batyrlarǵa taǵzym» degen atpen ótkizilgen «Máńgilik polk» sherýine myńdaǵan adam qatysty, olardyń eleýli bóligin oqýshylar qurady. Eresekter sııaqty olar da taıaqtardyń ushtaryna bekitilgen maıdangerlerdiń portretterin joǵary kóterip júrdi. Pavlodar qalalyq bilim berý bóliminiń basshysy Samal Aıtqazınanyń ózi oqýshylar sherýin qadaǵalaǵany baıqaldy.
«Máńgilik polk» akııasyna qatysýshylar arasynda omyraýlaryna separatızmniń belgisi ispettes Grıgorıı lentalaryn qadaǵandar kóp kezdesti, qyzyl týlardy jelbirete bıik ustaǵandar ár tustan boı kórsetti!
Pavlodar soǵys jyldarynda maıdannyń qaq ortasynda qalǵan qaharman qalalardyń sanatyna jatpasa da, merekelik demonstraııada maıdan baıraqtary alyp ótildi.
«Máńgilik polk» sherýi shyqpaı turǵan kezeńde de ardagerler qurmettelingen. Bul akııa ótkizilmese de qurmettelinedi. Túrkistan, Aqtóbe qalalarynda sherý uıymdastyrmaı-aq soǵystaǵy ákelerdiń erlikteri, tyldaǵy analar men balalardyń eren eńbekteri ulyqtaldy!
Aıtpaqshy, Pavlodarda 7 mamyrda Otan qorǵaýshylar kúni ótkizilgen merekelik konertte soǵys jyldaryndaǵy maıdan ánderi, patrıottyq ánder, aýǵan soǵysynyń sarbazdary týraly ánder shyrqaldy. Tek Qazaqstan qarýly kúshteri jóninde birde-bir án baǵdarlamaǵa engizilgen joq.
Bizdiń sheneýnikter kelesi jyly Jeńistiń 75 jyldyq merekesinde mádenı sharalardyń barlyǵyn otanshyldyq, memleketshildik rýhta uıymdastyrady degen úmittemiz.
Arman QANI,
Pavlodar qalasy.
