Aq Jaıyq ólkesiniń óner tarıhyn nasıhattaıtyn «Dombyra -ulttyq rýh!» atty mýzeıiniń jańa dáýiri bastalmaq.
«Qazaq mýzykasyn zertteýshi kórnekti ǵalym, áıgili kompozıtor Ahmet Jubanov atamyz aıtqandaı, «Qazaqtyń dombyrasynyń árbir pernesinde bizdiń ótken tarıhymyz, árbir pernesinde bizdiń qýanyshymyz ben muńymyz jatyr». Osyǵan oraı, búgin Oralda qazaqtyń tarıhyn, dástúrleri men myzǵymas qundylyqtardy nasıhattap, ótken tarıhpen búgingi kúndi baılanystyratyn qundy ǵylymı orta qalyptastyrý maqsatynda BQO tarıhı-ólketaný mýzeıiniń bólimi "Dombyra - ulttyq rýh" mýzeıi ashyldy.
Babalardan qalǵan mura kózderi men tarıhı jádigerleri jınaqtalyp tórt ekspozıııalyq zaldan turatyn mýzeı 1-Dombyra tarıhy zaly, 2-Qurmanǵazy Saǵyrbaıuly zaly, 3-Qurmanǵazy orkestri zaly, 4-Batys óńiriniń dombyrashylary zaly, mýzeıge kelýshilerge tyń serpin bermek.
Mýzeıdi saltanatty túrde Batys Qazaqstan oblysy ákiminiń orynbasary Narymbetov Baqytjan Haberulyjáne óńirimizge tanymal tarıhshy, ólketanýshy, mádenıet salasynyń ardageri Aqbaev Jaısań Dosbolatuly ashty.
Mýzeı qoryna qobyzshy Yqylas Dúkenulynyń qobyzynyń kóshirmesin resmı túrde D. Nurpeıisova atyndaǵy Qazaq halyq aspaptary akademııalyq orkestriniń solıst-qobyzshysy, Ónertaný kandıdaty, Kazahstan Respýblıkasynyń "Mádenıet salasynyń úzdigi ", Yqylas atamyzdyń urpaǵy Aqnar Táttibaıqyzy tabystady.
