Qazaqstan prokuraturasy zaŋsyz mitingıge şyqqandar "qataŋ jazalanatynyn" eskerttı

Prokuratura ündeuınde "Äleumettık jelıler men messendjerlerde erteŋ, 9 mamyrda zaŋsyz mitingıge qatysuǧa ügıtteu jürıp jatqanyn" aitady. Bıraq vedomstvo narazylyq bıldıruge naqty kımnıŋ şaqyryp jatqanyn körsetpegen. "Qūqyq būzuşylyqqa kınälıler zaŋ aldynda qataŋ jauap beredı. Qoǧamdyq qauıpsızdık pen qūqyqtyq tärtıptı qamtamasyz etu, sondai-aq azamattardyŋ qūqyqtary men bostandyqtaryn qorǧau maqsatynda Bas prokuratura arandatuşylyqqa ermeuge jäne memleket zaŋdaryn būzbauǧa şaqyrady" dep jazylǧan ündeude. Ündeu Nūr-Sūltan elde tyiym salǧan "Qazaqstannyŋ demokratiialyq taŋdauy" qozǧalysynyŋ jetekşısı, quǧyndaǧy bankir Mūhtar Äbliazov 9 mamyrda azamattardy bırneşe qalada mitingıge şyǧuǧa şaqyrǧan soŋ jariialandy. Prokuratura būdan būryn da zaŋsyz mitingıge şyqpauǧa şaqyrǧanyn eskertkenın, alaida "keibır azamattar organdardyŋ eskertuın elemei, zaŋsyz mitingılerge şyǧyp, äkımşılık jauaptylyqqa tartylǧanyn" aitady. Vedomstvo 1 mamyrda narazylyqqa şyqqandar "azamattardyŋ demaluyna jäne tynyştyǧyna qauıp töndırdı" dep jazady. 6 mamyrda Qazaqstan ışkı ıster ministrlıgı 6-12 mamyrda ışkı ıster organdarynyŋ jeke qūramy küşeitılgen jūmys rejimıne köşetının habarlaǧan. Ministrlık qoǧamdyq tärtıptı būzu, şaralardyŋ ötuıne kedergı keltıru faktılerı bolsa, polisiia zaŋǧa sai jedel äreket etetının eskertken. 1 mamyrda Qazaqstannyŋ bırneşe qalasynda bilıkke qarsy narazylyq şarasy öttı. Narazylar "Bızdıŋ öz taŋdauymyz bar!", "Toqaev bızdıŋ prezident emes!", "Dariǧa spiker emes!", "Nūr-Sūltan astanamyz emes!", "AES-ke qarsymyz!", "Halyq pıkırımen sanasyŋyzdar", "Köp balaly analarǧa järdem berılsın!", "Şyndyqtan qaşyp qūtylmaisyŋ!", "Şal, ket!" dep aiqailady. Işkı ıster ministrlıgı 1 mamyrda Nūr-Sūltan men Almatyda şamamen 80 adamnyŋ ūstalǧanyn habarlady. Alaida jalpy qanşa adamnyŋ äkımşılık jauapqa tartylǧany turaly derek joq. 2 mamyrdan berı narazylyqqa şyqqan ondaǧan azamat äkımşılık jazaǧa tartyldy.

"Azattyq" radiosy