Äleumettık jelıde soŋǧy kezde aq halattylarǧa jūdyryq ala jügırgendıŋ videosy köptep tarap kettı. Būl joly jaǧdai Şymkent qalasynda bolǧan. Auruhanaǧa em ızdep kelgen nauqas därıger men sanitariialyq qyzmetkerdı ūryp- soqqan, dep habarlaidy "Adyrna" tılşısı.
Jaǧa ūstatarlyq jaǧdai turaly belgılı jurnalist Gülmira Äbıqai:
" TAǦY DA DÄRIGERMEN TÖBELES😱 Adamdardyŋ bärıne ne bolǧan? Būl joly därıger men meiırbikege qarsy ūmtylǧan pasienttı qosymşa top kelıp, jabylyp tynyştandyrdy. Küieuıne araşa tüsken balaly äielge ne joryq? Oqiǧa bügın Şymkenttegı taksikologiia ortalyǧynyŋ bırınde boldy deidı",-dep jazba qaldyrǧan.
Kadrlarda er därıgerlerdıŋ nauqasty tynyştandyruǧa tyrysqany körınedı. Oqiǧaǧa qatysty Şymkent qalasy densaulyq saqtau basqarmasy tüsınıkteme berdı. 20 qyrküiek künı saǧat 19.50-de 1995 jyly tuǧan er adamnyŋ jedel järdem kölıgımen giperbariialyq oksigenasiia ortalyǧyna jetkızılgenın tüsındırdı.
"Tuystarynyŋ aituynşa, nauqas uly sūiyqtyq ışken. Därıgerlerge qaraldy. Psihikalyq qozu jaǧdaiyna bailanysty, tynyştandyru jäne emdeu şaralaryn jürgızu maqsatynda jansaqtau bölımıne jatqyzyldy. Alaida nauqas medisinalyq kömekke qarsylyq tanytyp, medisina qyzmetkerlerıne fizikalyq küş qoldanǧan. Oqiǧaǧa bailanysty 102 qyzmetıne aqparat berıldı", - delıngen habarlamada.
Būǧan deiın Almaty oblysy Talǧar ortalyq audandyq auruhanasynda därıger men meiırgerdıŋ soqqyǧa jyǧyluy qoǧamda narazylyq tudyrǧanyn eske salamyz.
Ūqsas jaŋalyqtar
