Özbekstan prezidentı Şavkat Mirziioev şetelde täjıribe jinaǧan därıgerlerdı yntalandyru jüiesı engızıletının mälımdedı, dep habarlaidy «Adyrna» tılşısı BBC-ge sılteme jasap.
Elge oralǧan mamandarǧa jūmysqa ornalasuǧa kepıldık berılıp, ai saiyn 50 mln sumǧa deiın (4 myŋ dollardan astam) jalaqy üstemaqysy tölenedı. Sonymen qatar olarǧa öz komandasyna mamandardy derbes ırıkteu mümkındıgı berıledı.
Memleket basşysy densaulyq saqtau jäne farmasevtika salasynyŋ qyzmetkerlerımen kezdesude jergılıktı medisina mamandaryn qoldau şaralaryn da atap öttı. Atap aitqanda, kemınde 15 jyl eŋbek ötılı bar qyzmetkerlerdıŋ ipotekalyq nesiesın ışınara öteuge memleket 50 mlrd sum (4,1 mln dollar) böledı. Sonyŋ arqasynda kelesı jyldyŋ özınde myŋ maman jaŋa baspanaǧa köşedı. Sondai-aq jyl saiyn 500 jas därıgerdıŋ baspana satyp alu üşın alǧan nesiesı boiynşa bastapqy jarnanyŋ 25 paiyzyna deiıngı bölıgı ötelmek.
Prezident şalǧai audandarda jūmys ısteitın mamandarǧa 4,5 mln sumǧa deiın (375 dollar) üstemaqy tölenetının de aitty. Būǧan qosa, olarǧa 50 mln sum (4 myŋ dollardan astam) kölemınde bırjolǧy tölem berıledı.
Şavkat Mirziioevtıŋ aituynşa, soŋǧy 10 jylda 10 mln adamǧa qyzmet körsetuge arnalǧan jaŋa emhanalar men auruhanalar paidalanuǧa berılıp, 58 myŋ tösek-oryn jasaqtalǧan. Qazır Özbekstanda būryn tek şetelde qoljetımdı bolǧan medisinalyq qyzmettıŋ 100-den astam türı körsetıledı. Olardyŋ qatarynda jürektıŋ tua bıtken aqaularyn emdeu, aǧza transplantasiiasy, robottandyrylǧan jäne kürdelı neirohirurgiialyq operasiialar bar.
Prezident därı-därmekke degen halyq sūranysynyŋ 70 paiyzyn otandyq öndırıs esebınen qamtamasyz etu josparlanyp otyrǧanyn mälımdedı. Onyŋ sözınşe, soŋǧy uaqytta jalpy qūny 1 mlrd dollar bolatyn 330 jaŋa öndırıstık nysan ıske qosylǧan. Sonymen qatar öŋırlerde farmasevtikalyq erkın ekonomikalyq aimaqtar qūrylyp, onda jalpy qūny 1,2 mlrd dollar bolatyn jobalar jüzege asyrylyp jatyr.
Būdan bölek, elde üzdık därıger men üzdık meiırgerdı anyqtaityn baiqaulardyŋ jeŋımpazdaryn yntalandyru täjıribesı keŋeitıledı. Atap aitqanda, erekşe közge tüsken mamandarǧa elektromobilder tabystalady. Sondai-aq salauatty ömır saltyn nasihattauǧa arnalǧan üzdık 10 jobanyŋ avtoryna ärqaisysyna 200 mln sumnan (16,7 myŋ dollar) grant berıledı.
