Būǧan deiın qyzmetınen bosatylǧan Pavlodar äkımı jaŋa qyzmetke taǧaiyndaldy, - dep habarlaidy "Adyrna" tılşısı.
Erjan İmanzaiypovtyŋ jaŋa qyzmetke taǧaiyndalǧany turaly aqparatty Pavlodar oblysy äkımınıŋ baspasöz qyzmetı rastady. Resmi derekterge säikes, ol Pavlodar oblysynyŋ käsıpkerlık jäne industrialdy-innovasiialyq damu basqarmasynyŋ basşysy boldy.
«Erjan İmanzaiypov Käsıpkerlık jäne industrialdy-innovasiialyq damu basqarmasynyŋ basşysy bolyp taǧaiyndaldy», - dep habarlady oblys äkımınıŋ baspasöz qyzmetı.
Sondai-aq osy jerde İmanzaiypovtyŋ Pavlodar qalasynyŋ äkımı qyzmetınen jaǧymsyz sebeptersız bosatylǧany naqtylandy.
Aita keteiık, oblystyq käsıpkerlık jäne innovasiialyq damu basqarmasynyŋ jaŋa basşysy turaly aqparat memlekettık mekemenıŋ saitynda jariialanǧan bolatyn.
Esterıŋızge sala keteiık, 4 qyrküiekte Pavlodar oblysy äkımınıŋ ökımımen Erjan İmanzaiypov Pavlodar qalasynyŋ basşysy qyzmetınen bosatylǧan bolatyn.
Qyrküiektıŋ 1-ı künı Parlament Mäjılısınıŋ alaŋynda Asain Baihanov Pavlodar äkımınıŋ qyzmetınen bosatyluy onyŋ kömekşısıne qatysty bastalǧan tergeuge qatysty ma degen sūraqqa jauap berdı. Ol sondai-aq oblystyŋ Sybailas jemqorlyqqa qarsy qyzmetınıŋ mälımetınşe, eşkım qamauǧa alynbaǧanyn aitty.
Aita keteiık, 12 qyrküiekte Hasar Habylbekov Pavlodar qalasynyŋ äkımı boldy. Osy taǧaiyndauǧa deiın ol Pavlodar oblysy äkımınıŋ bırınşı orynbasary qyzmetın atqarǧan.
Ūqsas jaŋalyqtar
