Aqtóbe, Túrkistan oblystarynyń ákimdikteri bıylǵy jylǵy 9 mamyr kúngi merekelik sharalar tizimine «Bessmertnyı polk» sherýin engizbedi, sóıtip, óte ónegeli bastama kóterip, batyl sheshim qabyldady! Áıtse de, ókinishke qaraı, ózge oblystar atalmysh akııany ótkizýge daıyndyq sharalaryn áldeqashan bastap ketti.
Qasıetti oraza kezinde ıslam dinine jat is-áreket: o dúnıelik adamdardyń fotosýretterin kóshelerde kóterip júrýge jumyldyrý musylmandardyń dinı senimin qorlaý bolyp tabylady. Onyń ústine ulttyq dilimizben de sáıkespeıdi.
Moraldyq-etıkalyq turǵydan qarastyrǵanda, mýzeıler men otbasylyq albomdarda qurmetpen saqtalýǵa tıisti qundy jádigerler: maıdangerlerdiń fotosýretterin bir mezgildik akııalarda qoldanylatyn saıası plakattarǵa aınaldyrý ónegeli is emes. Sondaı-aq «Bessmertnyı polk» sherýiniń ardagerlerge esh paıdasy joq. Odan góri soǵys bahadúrleriniń kózi tirilerine jáne qaza tapqandarynyń jesirlerine materıaldyq-qarjylaı qoldaý kórsetý, o dúnıelik bolǵandaryn buqaralyq aqparat quraldary arqyly eske alý, arnaıy as berip, rýhyna quran baǵyshtaý áldeqaıda abzal is.
Sol ardagerler halqymyzdyń erkin baqytty ómir súrýi úshin, keıingi býynnyń zorlyq-zombylyq taýqymetin bastan ótkermeýi úshin jan aıamaı jaýmen soǵysty ǵoı. Olar búgingi urpaqtary ózderiniń konstıtýııalyq quqyqtaryn talap etip plakat ustap kópshilik oryndarda boı kórsetse qolma-qol polıııa bólimshelerine kúshpen jetkizilip, ile sottyń úkimimen jazalaý sharalaryna ushyraıtynyn boljady deısizder me?
Este ustarlyq jaıt, nar táýekelge bel baılaıtyn júrekjutqan azamattar jumys kúnderi de, I mamyr merekesinde de óz oılaryn jurtshylyqqa jarııa etýden tanbady. Kúni erteń, 9 mamyr merekesinde de konstıtýııalyq quqyqtaryn talap etetýshilerdiń shyǵatyny kúmansyz. Ondaılardy bılik «aýǵandardyń» kúshimen basyp-janyshtaýdy kózdegen sııaqty. Aýǵan soǵysyna qatysýshylardyń málimdemesinen https://www.zakon.kz/4968588-gotovy-reagirovat-zhestko-afga… osyndaı oı týyndaıdy.
Kezinde Keńes úkimetiniń sheteldegi basqynshylyq saıasatyn eriksiz júzege asyrýǵa atsalysqan «aýǵandardyń» qazirgi táýelsiz, egemen elimizde, quqyqtyq demokratııalyq qoǵamda beıbit jolmen konstıtýııalyq quqyqtaryn talap etýshi azamattarǵa kúsh qoldanýy qazaqstandyq, halyqaralyq zańdardyń eshbiriniń sheńberine syımaıdy! Degenmen «aýǵandar» ózderiniń balalaryndaı jas qyzdar men jigitterge qarsy qandaı da bir áreketterge bara qoımas degen úmittemin. Kerisinshe jaǵdaıda jappaı halyqtyq narazylyq týyndap, Qazaqstan tarıhynyń taǵy bir qaraly beti jazylýy yqtımal.
Aıtpaqshy, balabaqshalardyń búldirshinderine paradta kııý úshin áskerı kıim tikkizýdi ata-analardy mindettepti degen aqparatty da qulaǵymyz shaldy. Munyń bári Keńes ımperııasy dáýirin kóksep dáripteýshi, mılıtarızmdi nasıhattaýshy Reseı saıasatkerleriniń yqpaly ekeni seziledi. Jeńistiń 75 jyldyǵy atalyp ótiletin kelesi jyly budan da pármendi yqpal etýge tyrysady! Álgilerdiń aıtqanyna kónip, aıdaǵandaryna júretinder egemen eldigimizdi tárk etip, otarshyldyq qamytyna qaıtadan moıyn usynýǵa beıim turady.
Sóz sońynda aıtarym, eń durysy, Aqtóbe, Túrkistan oblystarynyń basshylary sııaqty 9 mamyr kúngi merekelik sharalar tizimine «Bessmertnyı polk» sherýin qospaý. Aq ordadaǵy aq jaǵaly ulyqtarymyz aımaqtardaǵy sheneýnikterdi naǵyz memleketshil ákimderden ónege alýǵa shaqyrsa eken.
Arman QANI,
Pavlodar qalasy.
