Nūrlan Qoianbaev äleumettık paraqşasynda özınıŋ şyǧarmaşylyq jolyn qalai bastaǧany turaly jazbamen bölıstı, dep habarlaidy “Adyrna” tılşısı.
Tanymal äzılkeş, telejürgızuşı, akter, prodiuser Nūrlan Qoianbaev älem jelıdegı paraqşasynda estelıkterın baiandap, jazba qaldyrdy. Ol qazaq kino industriiasynda komediia salasyn trendke ainaldyrǧandardyŋ bırı. Öz jazbasynda studenttık şaǧyndaǧy oqiǧalarmen bölısken äzılkeş KVN oinap jürıp, sürıngenın de jasyrmady.
“… mekteptı altynmen bıtırıp, KAZGU-ge tarihşy, politolog bolamyn dep oquǧa tüstım. Bolaşaqta elımızdıŋ ideologiia salasynda qyzmet jasaimyn degen bala armanym bolǧan.
3 kursta Tarih fakultetınıŋ namysyn qorǧaimyn dep aiaq asty KVN oinai bastadym. Bırınşı oiynda, 6 komandanyŋ arasynda 6-oryn alyp, ūtylyp qaldyq. Namysyma tigenı sonşa, 2 jyldan keiın qatarynan 2 ret Qazaqstannyŋ chempiony, 17 ret “Üzdık oiynşy” ataǧyna ie boldym”,-dedı.
Odan keiın Nūrlan Qoianbaevqa 2006 jyly Mäskeudıŋ joǧary ligasynda A.V. Masliakovtyŋ özı “Üzdık oiynşy” ataǧyn berdı. Oǧan Mäskeu, Sochi, Iýrmala qalalaryndaǧy barlyq kuboktardy ūtyp, 2005 jyldary, reseilık oiyn-sauyq TV arnalary jūmysqa şaqyrǧan. Bıraq, media salasynda jürgen tūlǧa elge qaityp qazaq kontentın damytudy qolǧa alǧan.
HHI ǧasyrdyŋ basynda Qoianbaevtyŋ bastauymen tüsırılgen “Şataqhana”, “Qyzyq radio” jobalary reitıngı eŋ joǧarǧy TV baǧdarlamalarynyŋ bırıne ainalǧanyn eske salaiyq.
Nūrlan Qoianbaev öz jazbasynda qanşa qinalsa da komediiany tastamai, tıptı 6000 teŋgege jūmys ıstegenın de jasyrmady.
“Ol kezde komediia janry eşkımge kerek emes jäne dūrys baǧalanbaityn edı! Ssenarist retınde 6000 teŋge alamyn,tıptı “sızderge efir de bolady” dep aqşa da tölemegen kezder de boldy. 20 jyl öttı! Komediia salasyn trendke ainaldyrdyq! Kinoteatrda qazaq komedeiasynyŋ däuırı bastaldy! Qanşama biletke jaratylatyn qarajat būrynǧydai Gollivudqa emes,elde kalyp jatyr(kem degende 30-40 mln dollar)! Qazır elımızde 100 komediia tüsırılıp jatyr! 1 kinoǧa 300 myŋ dollar ketse,orta eseppen 100 komediia biudjetı 30 mln dollarlyq kinoindustriiaǧa ainaldy”,- delıngen Qoianbaev jazbasynda.
Tanymal tūlǧa ärıptesterıne:
“Barlyqtaryŋyz komediia tüsıre bermei,tarihi dramalar,motivasiialyq kino tüsırıŋızder!”,-dep öz oiyn tüiındedı.
Ūqsas jaŋalyqtar
"Er jıgıttıŋ jaramas jylaǧany". Änşı Töreǧali bostandyqqa şyqqannan keiın alǧaş ret jazba jariialady
