Túrkııa eliniń Ystambul qalasynda "Altybaqan" oıyn-saýyq án keshi ótti

4881
Adyrna.kz Telegram

Qazaqstan Respýblıkasynyń Túrkııa Respýblıkasyndaǵy elshiliginiń qoldaýymen  Túrkııa eliniń Ystambul qalasynda "Altybaqan" oıyn-saýyq án keshi ótti, dep habarlaıdy “Adyrna” ulttyq portaly. 

Qazaq halqynyń  maqtanysh eter asyl murasy, rýhanı jádigerleri ishinde umyt bolyp bara jatqan qazaqtyń turmys-saltqa baǵyttalǵan "Altybaqan" ulttyq oıyny – qazaq jastarynyń erteden kele jatqan keshkilik bas qosyp, án aıtyp, dombyra tartyp, aıtysyp, bı bılep, túrli oıyndar oınap, kóńil kóterip, oıyn-saýyq quratyn keshi.

Osy ulttyq oıynnyń tóńireginde áýeletken dástúrli án men kúmbirlegen kúı, bılerimiz bir-birimen astasyp, oıyn-saýyq án keshi usynyldy.

Dástúrli ónerimizdi ulyqtaýshy «Alataý» dástúrli óner teatry ujymy kúni keshe Túrkııa eline, Ystambul qalasyna, «Altybaqan» oıyn - saýyq baǵdarlamasymen is-saparǵa attandy.

«Altybaqan» oıyn - saýyq baǵdarlamasynda dástúrli ándermen qatar umyt bolyp bara jatqan, kóne dástúrli án-jyrlar da oryndaldy. Teatrymyzdyń tolyq shyǵarmashylyq toby (60-qa jýyq artıst) óner kórsetti.

Búgingi kúni túrki álemin qazaq ónerimen sýsyndatsa, bolashaqta qazaqtyń dástúrli ónerin álemge pash etpek. Kúmis kómeı, jez tańdaı ánshilerimiz túrik tilinde de án shyrqady.

”Adyrna” ulttyq portaly

 

 

Pikirler