Qazaqstan Respublikasynyŋ Türkiia Respublikasyndaǧy elşılıgınıŋ qoldauymen Türkiia elınıŋ Ystambūl qalasynda "Altybaqan" oiyn-sauyq än keşı öttı, dep habarlaidy “Adyrna” ūlttyq portaly.
Qazaq halqynyŋ maqtanyş eter asyl mūrasy, ruhani jädıgerlerı ışınde ūmyt bolyp bara jatqan qazaqtyŋ tūrmys-saltqa baǧyttalǧan "Altybaqan" ūlttyq oiyny – qazaq jastarynyŋ erteden kele jatqan keşkılık bas qosyp, än aityp, dombyra tartyp, aitysyp, bi bilep, türlı oiyndar oinap, köŋıl köterıp, oiyn-sauyq qūratyn keşı.
Osy ūlttyq oiynnyŋ töŋıregınde äueletken dästürlı än men kümbırlegen küi, bilerımız bır-bırımen astasyp, oiyn-sauyq än keşı ūsynyldy.
Dästürlı önerımızdı ūlyqtauşy «Alatau» dästürlı öner teatry ūjymy künı keşe Türkiia elıne, Ystambūl qalasyna, «Altybaqan» oiyn - sauyq baǧdarlamasymen ıs-saparǧa attandy.
«Altybaqan» oiyn - sauyq baǧdarlamasynda dästürlı ändermen qatar ūmyt bolyp bara jatqan, köne dästürlı än-jyrlar da oryndaldy. Teatrymyzdyŋ tolyq şyǧarmaşylyq toby (60-qa juyq artist) öner körsettı.
Bügıngı künı türkı älemın qazaq önerımen susyndatsa, bolaşaqta qazaqtyŋ dästürlı önerın älemge paş etpek. Kümıs kömei, jez taŋdai änşılerımız türık tılınde de än şyrqady.
”Adyrna” ūlttyq portaly
Ūqsas jaŋalyqtar
