Japonııanyń premer-mınıstri Sıgerý Isıba úkimetke jaqynda saılanǵan 15 depýtatqa ámbebap dúkenderde saýda jasaý úshin 100 myń ıenniń sertıfıkattaryn taratqan bolatyn. Onyń bul áreketi daýǵa ushyrady, dep habarlaıdy “Adyrna” ulttyq portaly Associated Press saıtyna siltep.
Isıbanyń kómekshisi premr-mınıstrdiń jeke keshine qatysatyn jańa depýtattarǵa sertıfıkattardy tabys etken. Bul vaýcherlerdi japon ámbebap dúkenderinde satyp alý úshin paıdalanýǵa bolady. Oppozıııa men Isıbanyń keıbir partııalastary onyń otstavkasyn talap etýde. Olar mundaı syılyqtardy qajetsiz ári qoǵamnyń kóńil-kúıin eskermeıtin áreket retinde baǵalap otyr.
Ótken jylǵy saılaýda LDP kóptegen mandattardan aıyryldy, sebebi olar salyq deklaraııasyna engizilmegen kóleńkeli qarjylyq qorlarmen baılanysty daýǵa ushyrady. Óz kezeginde Isıba eshqandaı zań buzbaǵanyn jáne otstavkaǵa ketýdi oılamaıtynyn aıtty. Ol sertıfıkattardy tek depýtattarǵa olardyń jumysyna alǵys retinde bergenin jáne bul syılyqtyń jemqorlyqqa qatysy joq ekenin alǵa tartty. Alaıda, synshylar onyń aqtalýyna senbeıdi.
LDP parlamenttegi basymdyǵyn joǵaltty, partııanyń kóptegen múshesi Isıbadan qutylǵysy keledi. Olardyń biri Shodzı Nıshıda eger Isıba kóshbasshy bolyp qala berse, partııa shilde aıynda ótetin saılaýda jeńiske jete almaıtynyn aıtty.
