Qostanai oblysy, Äulieköl audany, Novoselovka auylyndaǧy «KSRO-nyŋ 60 jyldyǧy» men «Lenin» köşelerın jaryqtandyruǧa 3 405 892,86 teŋge qarjy bölıngen, - dep habarlaidy Adyrna ūlttyq portalynyŋ tılşısı goszakup.gov.kz saityna sılteme jasap.
Atalǧan tender 24 tamyz künı «KSRO-nyŋ 60 jyldyǧy» men «Lenin» köşelerın jaryqtandyru» atty taqyryppen jariialanǧan. Memlekettık satyp aludy ūtu üşın 6 kompaniia baǧyn synaǧan. Nege ekenı belgısız jeŋımpaz anyqtalmai jatyp, 1 qyrküiek künı tender toqtatylǧan.
Ärine, Qazaqstannyŋ är auylyna jaryq ornatylǧany qajet. Oǧan qarsy eşteŋe aitpaimyz. Wikipedia-nyŋ deregınşe Novoselovka bar-bolǧany 700 adam tūratyn auyl eken. 700 tūrǧyn bar auyl bolsa da, täuelsız Qazaqstan memleketınıŋ biudjetınıŋ igılıgın köruge haqyly.
Bıraq, ideologiialyq jaǧynan alsaq, Jaŋa Qazaqstannyŋ «KSRO-nyŋ 60 jyldyǧy» men «Lenin» köşelerın jaryqtandyryp jatqany qūlaqqa jaǧymsyz estılmei me? Täuelsızdık alǧanymyzǧa 30 jyldan baiaǧyda asyp kettı. Sonda da süiegı baiaǧyda qurap qalǧan Lenindı, sol Lenin qūrǧan KSRO-ny sanamyzdan öşıre almaǧanymyzǧa kım kınälı?
Qazır Jaŋa Qazaqstan būrynǧyny bylai qoiyp, Eskı Qazaqstandy aiyptap jatyr. Al, Qostanai oblysynyŋ ideologiiasynyŋ tızgının ūstaǧandar būl jaidan habarsyz bolsa kerek...
Qanat Bırlıkūly,
"Adyrna" ūlttyq portaly
Ūqsas jaŋalyqtar
