Memlekettik organdar oblys kásipkerleriniń quqyǵyn qorǵaý jónindegi keńeste aıtylǵan usynymdardyń basym bóligin qabyldady. Bıznestegi ózekti máseleler óńirlik kásipkerler palatasy janynan jumys isteıtin kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńes otyrysy sheńberinde talqylandy.
Atalǵan jıynda kásipkerlerdiń ótinishi birneshe másele tóńireginde qaraldy. Alǵashqy kezekte «Nur» jeke kásipkerliginiń ótinishi nazarǵa alyndy. Onda kásipker Ásel Japarqulova jergilikti atqarýshy organdardyń oǵan eki qabatty saýda ortalyǵyn salý úshin aýdany 350 sharshy metr jer ýchaskesin berýden bas tartýyna quqyqtyq baǵa berýdi surady. Isker áıelden bas tarta otyryp, Úshtóbe qalasynyń ákimdigi Ásel Japarqulova talap etken ýchaske aýkıon arqyly ótýi tıis ekenin eskertken.
Bul problemalyq másele kásipkerler palatasy, prokýratýra, ekonomıkalyq tergeý departamenti, jergilikti atqarýshy organ ókilderiniń Qaratal aýdany bıznes-qoǵamdastyǵymen kóshpeli kezdesýinde talqylanypty.
Sodan keıin zańgerler kásipkerdiń Úshtóbe qalasynyń ákimdigine qaıta júginý kerek ekenin alǵa tartqan. Sóıtip, jergilikti atqarýshy organdar tarapynan Ásel Japarqulovaǵa ýchaske saýda-sattyq arqyly berilýi tıis degen jaýap qaıtarylǵan. Alaıda «Nur» jeke kásipkerliginiń aýkıonǵa qatysý quqyǵynyń qalaı iske asyrlatyny túsindirilmepti. Osyǵan baılanysty keńeste «Qaratal aýdany Úshtóbe qalasy ákiminiń apparaty» MM-iń kásipkerge jer ýchaskesin berýge arnalǵan saýda-sattyqqa qatysýǵa baılanysty tolyq túsinik berý usynyldy.
«Sokbaev-M» sharýa qojalyǵy basshysy Marat Sokbaev óńirlik palataǵa joldaýy «Qazsýshar» MKK qyzylsha egý úshin alqaptardy sýarýǵa baılanysty shart jasasýdan bas tartýdan týyndaǵan. Kásipker joldaǵan ótinishke qatysty kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńeste kásipkerdiń egis ýchaskesin kórý úshin komıssııa qurý qajet ekeni aıtylǵan.
Taǵy bir másele memlekettik satyp alý salasyna qatysty boldy. Tenderdi aýmaqtyq polıııa departamenti jarııalaǵan, al kásipker tapsyrys berýshiden jaýap ala almaýdyń saldarynan óńirlik kásipkerler palatasyna júgingen, sol sebepti bıznes ókiliniń saýalyna oblystyq polıııa departamenti jaýap berýi tıis ekeni usynyldy. Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńes sońynda oblystyq kásipkerler palatasynyń tóraǵasy Dáýren Ońalbaev atalǵan keńestiń kásipkerler quqyǵyn qorǵaýdaǵy tıimdiliktiń mańyzyn atap, oı qorytty.
Aıta keteıik, óńirlik palatanyń derekteri boıynsha ótken segiz aıda ýákiletti organdardyń atyna jiberilgen 50 usynymnyń 90 paıyzy memlekettik organdarmen qabyldanǵan.
